اسپیکر قومی اسمبلی سردار ایاز صادق نا سینیٹر عرفان صدیقی نا کزیت آ ڈکھیائی و است ہسونی نا درشان

اسلام آباد۔ 11 نومبر (اے پی پی) اسپیکر قومی اسمبلی سردار ایاز صادق سینیٹر عرفان صدیقی نا کزیت آ ڈکھیائی و است ہسونی نا درشانی ءِ کرینے۔ سے شنبے نادے آ تینا ہڑزخواہی بیان اٹی او ایماندار سینیٹر عرفان صدیقی نا خاہوت تون ہڑزخواہی و ہمدردی نا درشانی ءِ کرسا پارے کہ ڈکھیائی نا ساہت اٹی پدسلوک خاہوت نا غم اٹی بریبر نا شریک اُٹ۔ اوپارے کہ سینیٹر عرفان صدیقی مدبر، زیرک و بااصول  سیاسی راہشون و علم، تدبر و شائستگی نا پہچان ئس، اوعلم  و ادب و سیاست اٹ بڑزکو قدر ءِ مون آ درے، سیاست اٹی اونا خذمت آتے مدام یات تخنگک۔ اسپیکر پارے کہ عرفان صدیقی مدام سگ، گپ وتران و تحمل نا درس تس، اونا علمی و فکری میرات بروک آ چین تیکن کسر نا ڈیوا ءِ۔ سردار ایاز صادق پارے کہ سینیٹر عرفان صدیقی نا کزیت آن ودی مروک آ خلاتادیر پُرمننگ کپک۔ اودعاکرے کہ اللہ تعالیٰ ایماندار ءِ جنت الفردوس اٹی بڑزکو ہند و خاہوت آتے صبر وجمیل عطاکے۔