بنجائی وزیر و صدر پاکستان مسلم لیگ (ن) خیبرپختونخوا انجینئر امیر مقام نا سینیٹر عرفان صدیقی نا کزیت آ است ہسونی نا درشان

اسلام آباد۔ 11 نومبر (اے پی پی) بنجائی وزیر و صدر پاکستان مسلم لیگ (ن) خیبرپختونخوا انجینئر امیر مقام سینیٹ اٹی پاکستان مسلم لیگ (ن) نا پارلیمانی قائد سینئر راہشون و پنی آ دانشور سینیٹر عرفان صدیقی نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی کلہو اٹی بنجائی وزیر انجینئر امیر مقام پارے کہ عرفان صدیقی اسہ بڑزکو تعلیم یافتہ ، بردبار و باوقار ءُ شخصیت اس ئس ہرا سیاست، تعلیم و صحافت نا پڑتیٹی بھلوخذمت اس سرتس۔ انجینئر امیر مقام پارے کہ ایماندار نا قومی خذمت آتے مدام یات تخنگک۔ او اسہ سچا محب وطن، بااصول سیاست دان و علم و قلم نا امین ئس ہرا تینا نوشت و کڑد آن راج اٹی مثبت سوچ ءِ شون تس۔ بنجائی وزیر انجینئر امیر مقام ایماندار نا خاہوت تون ہمدردی و ہڑزخواہی نا درشانی ءِ کرساپارے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے و خاہوت ءِ صبر وجمیل ایتے۔