قومی اسمبلی ءَ ذوالفقار علی بھٹو ءَ را راجی شہید جار جنگ ءِ قرارداد ءِ منظوری دات

اسلام آباد۔ 10نومبر (اے پی پی): راجی اسمبلی ءَ پیسریگیں مزن وزیر ذوالفقار علی بھٹو ءَ را راجی شہید ءِ جار جنگ ءِ قرارداد ءِ منظوری داتگ۔ دوشمبے ءِ روچ ءَ راجی اسمبلی ءِ دیوان ءَ جام عبدالکریم بیجار ءَ ایوان ءَ اے ھوالگ ءَ قرارداد پیش کنگ ءِ اجازت لوٹ اتگ۔ اجازت ءِ رسگ ءَ پد آئی ءَ ایوان ءَ قرارداد پیش کتگ ات، ایوان ءَ ایشی ءِ منظوری داتگ ات۔ قرارداد ءِ نبشتانک ءَ گشگ بوتگ کہ پاکستان پیپلز پارٹی ءِ بانی ءُُ اسلامی جمہوریہ پاکستان ءِ پیسریگیں مزن وزیر شہید ذوالفقار علی بھٹو ءَ ملک ءِ سیاسی، جمہوری، چاگردی ءُُ جوہری پالیسی آنی تہ ءَ استثنائی ازمت کتگ۔ آئی ءِ راجی یکوئی، الس ءِ وشھالی، جمہوری ادارگ آنی مھکم کنگ ءُ پاکستان ءِ آزاتیں دری پالیشی ءِ جوڑ کنگ ءِ واستہ آئی ءِ کوشست آناں بازیں مردماں منگ بوتگ۔ شہید ذوالفقار علی بھٹو 4 اپریل 1979 ءَ دار ءَ چگل دیگ بوتگ ات۔متن ءِ رد ءَ لکاں پاکستانی شہری آئی ءَ را یک راجی رہشونے ءِ بستار ءَ یات کن انت کہ آئی ءَ جمہوریت ءُُ راجی حقانی ہاترا وتی جان ندر کتگ ات۔ ایوان ءِ جار ءُُ سفارش انت کہ وفاقی حکومت شہید ذوالفقار علی بھٹو ءَ را سرکاری رنگ ءَ راجی شہید ءِ جار ءَ بہ جنت ءُُ سرکاری نوٹیفکیشن ءِ وسیلگ ءَ آئی ءِ شہادت ءَ را راجی راجدپتر ءُ جمہوری ریکارڈ ءَ منگ بہ بیت۔ پدا آئی ءِ ھزمت ءُ راجی کرد ءَ را ھمگرنچیں وفاقی ادارہ، نصاب ءُ راجی آرکائیو ءَ ھوار کنگ بہ بیت۔