سینیٹ ءَ 27می آئینی ترمیم ءِ بل دو تہائی اکثریت ءَ گوں منظور

اسلام آباد۔10 نومبر (اے پی پی): سینیٹ ءَ 27می آئین ءِ ترمیم ءِ بل دو تہائی اکثریت ءَ گوں منظور کتگ۔ دو شمبے ءِ روچ ءَ ایوان بالا ءِ دیوان ءَ وفاقی وزیر کانود ءُُ انصاف اعظم نظیر ترار ءَ 27می آئینی ترمیم ءِ بل ءَ را ایوان ءَ پیش کنگ ءِ اجازت دیگ ءِ تحریک پیش کتگ ات چوشکہ قائمہ کمیٹی ءَ رپورٹ کتگ ات ایشی ءَ را دو تہائی اکثریت ءَ منظور کتگ ات۔ سیشن ءِ تہ ءَ وزیر کانود اعظم نظیر ترار ءَ ترمیم یک یک ءَ پیش کتگ اَنت۔ اپوزیشن ءِ ہلاسی ءِ نیام ءَ 27می ترمیم بل ءِ شق ءِ رد ءَ منظوری ءِ وھد ءَ سینیٹر سیف اللہ ابرو ءَ پی ٹی آئی ءِ زھرشانی ءَ ھوار نہ بوتگ ءُ ترمیم ءِ حق ءَ ووٹ داتگ۔ جے یو آئی ایف ءِ سینیٹر احمد خان ءُ سینیٹر نسیمہ احسان ءَ ھم ترمیم ءِ حق ءَ ووٹ داتگ۔ ترمیم ءِ حق ءَ 64 ووٹ داتگ ءُُ ایشی ءِ ھلاپ ءَ ایوک ءَ 2 ووٹ داتگ۔ چوش کہ سرکار بیست ھپتمی آئینی ترمیم ءِ ھاتر ءَ دو تہائی اکثریت ءِ گرگ ءَ سوبین بوت۔ اپوزیشن ءِ اعتراض ءَ پد دوبر گنجانکاری کنگ بوتگ بلے چیئرمین سینیٹ ءَ گشتگ کہ ترمیم ءِ حق ءَ 64 ووٹ داتگ ءُ کس ءَ ایشی ءِ مخالفت نہ کتگ۔ آئینی آمید گس ءِ جوڑ کنگ ءِ بابت ءَ 42 ءِ شق ءِ تہا ترمیم ءِ سرا اکثریت ءِ ووٹ ءَ منظور کنگ بوتگ ءُُ 59 ءِ شق ءِ تہا ترمیم ہم اکثریت ءِ ووٹ ءَ چہ منظور کنگ بوتگ۔ آرٹیکل 63اے ءِ تہ ءَ سپریم ءِ گال ءِ بدل ءَ وفاقی آئینی آمید گس ءِ ھوار کنگ ءِ ترمیم منظور کنگ بوتگ، پارلیمانی بحث ءِ ھوالگ ءَ آرٹیکل 68 ءَ وفاقی آئینی آمید گس ءِ ذکر ءِ ھوار کنگ ءِ ترمیم منظور کنگ بوتگ۔ وفاقی آئینی آمید گس ءِ ذکر ءَ را ھمگرنچیں بند ءِ تہ ءَ ھوار کنگ ءِ ترمیم ھم منظور کنگ بوتگ۔ آرٹیکل 81 ءِ دوئیں بنداں آمید گس ءِ ھوار کنگ ءِ ترمیم ھم منظور کنگ بوتگ۔ 114 ءِ شق ءَ وفاقی آئینی آمید گس ءِ نام ءِ ھوار کنگ ءِ ترمیم، 130 ءِ شق ءَ سر وزیر آنی مشیر آنی کساس ءِ گیش کنگ، شق 165A ءَ وفاقی آئینی آمید گس ءِ نام ءِ ھوار کنگ، شق 165A ءِ تہ ءَ پاکستان ءِ وفاقی آئینی آمید گس ءِ ذکر ءِ شق 114 ءِ ترمیم ءِ تہ ءَ ھوار کنگ ءُ 51 ءِ ترمیم ءِ تہ ءَ ھوار کنگ۔ پاکستان ءِ آئین منظور کنگ بوتگ انت۔ سپریم کورٹ ءُ وفاقی آئینی آمید گس ءِ یک یک سینئر جج ءِ ھوار کنگ ءِ ترمیم ، عدلیہ ءِ تہ ءَ جج آنی تعیناتی ءِ واستہ آرٹیکل 175A ءِ تہ ءَ ترمیم ، ءُ وفاقی آئینی آمید گس ءِ چیف جسٹس ءَ را ھم باسک جوڑ کنگ ءِ ترمیم بوتگ ۔ منظور بوتگیں ترمیم ترمیم ءِ رد ءَ سپریم کورٹ ءِ چیف جسٹس ھم جوڈیشل کمیشن ءِ باسک بیت ءُُ سپریم کورٹ ءُُ وفاقی آئینی آمید گس ءِ یک یک سینئر جج ھم جوڈیشل کمیشن ءِ باسک بیت۔ آرٹیکل 175ڈی ءِ ترمیم ءَ را گیشتریں ووٹ ءَ چہ منظور کنگ بوت، آرٹیکل 175ڈی ءَ آئینی آمید گس ءِ جج آنی دوبر سوگند زورگ ءِ ترمیم ھم منظور کنگ بوت، آئین ءِ آمید گس ءِ جج پاکستان ءِ آئین ءِ سیمی شیڈول ءِ رد ءَ سوگند زور اَنت۔ منظور شدہ ترمیم ءِ رد ءَ وفاقی آئینی آمید گس ءِ پیسلہ پاکستان ءِ درستیں آمید گس آنی سر ءَ کارمرد بیت، سپریم کورٹ ءِ ھچ پیسلہ وفاقی آئینی آمید گس ءِ سر ءَ کارمرد نہ بیت، سپریم کورٹ ءِ پیسلہ آئینی آمید گس ءَ ابید ملک ءِ درستیں آمید گس آنی سر ءَ کارمرد بیت ءُُ آئینی آمید گس ءَ را آئینی مفاد ءِ دراھیں کیس دیم دیگ بنت۔ ترمیم ءِ رد ءَ ہائی کورٹ ءِ قاضی وفاقی آئینی کورٹ ءِ باسک جوڑ بوت کنت کہ آئی ءَ کم چہ کم 5سال ہائی کورٹ ءَ قاضی ءِ بستار ءَ کار کتگ۔ جوڈیشل کمیشن ءِ تہا وفاقی آئینی آمید گس ءِ چیف جسٹس ءِ نمائندگی ءِ پجارینگ ءِ ترمیم ءِ ہم منظوری دیگ بوت۔ بند ءِ درستیں دو تہائی اکثریت ءَ منظور کنگ بوتگ۔ وفاقی وزیر کانود ءُ انصاف اعظم نظیر ترار ءَ ترمیم آنی شق ءِ رد ءَ منظوری ءَ پد بل ایوان ءَ منظوری ءِ واستہ پیش کتگ۔ ایشی ءَ پد چیئرمین سینیٹ ءَ ایوان ءَ بل منظوری ءِ کارروائی ونت۔ پنچ منٹ ءَ گھنٹی ءِ توار کنگ ءَ پد ایوان ءِ دروازگ بند کنگ بوت انت۔ چیئرمین سینیٹ ءَ بل ءِ حق ءَ باسکاں ہدایت کتگ کہ آ راستیں لابی ءَ بہ رو اَنت ءُُ ایشی ءِ ھلاپ ءَ باسکاں چپیں لابی ءَ بہ رو اَنت ایشی ءَ پد باسک آنی شُمار کنگ بوتگ۔ بل ءِ حق ءَ 64 ووٹ داتگ وھدے کہ ایشی ءِ ھلاپ ءَ ھچ ووٹ نہ داتگ۔ چوش کہ بل دو تہائی اکثریت ءَ گوں منظور کنگ بوتگ۔