جنرل ساحر شمشاد مرزا ءَ سعودی سلاہ بندیں اُرد ءِ جنرل اسٹاف ءِ سروک ءَ گوں گند ءُ نند

اسلام آباد۔9نومبر  (اے پی پی): سعودی عرب ءِ سرکاری تر ءُ تاب ءِ وھد ءَ جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا نشان امتیاز، فوجی ءَ سعودی سلاہ بندیں اُرد ءِ چیف آف جنرل فیاض بن حامد الرویلی ءَ گوں گند ءُ نند کت۔ یک شمبے ءِ روچ ءَ پاک فوج ءِ پبلک ریلیشنز ڈیپارٹمنٹ ءِ رد ءَ گند ءُ نند ءَ بدل بوھوکیں جھان ءُ دمگی جاورھال ءُ دفاعی کمک ءَ را گیش دیمروئی دیگ ءِ ھوالگ ءَ جیڈھ آنی سر ءَ ھیال ریچی کنگ بوت۔ دوئیں ملک آنی فوجی سروکی ءَ پاکستان ءُ سعودی عرب ءِ نیام ءَ مھکمیں براتی سیادی ءُ دیریں دفاعی شریکداری ءَ را گیش مھکم کنگ ءِ واستہ وتی جزم ءِ پدا پدر کت۔ پاکستان ءُ سعودی عرب ءِ نیام ءَ ھاسیں رنگ ءَ فوجی سیادی آناں مھکم کنگ ءِ تہ ءَ آئی ءِ جوانیں ھزمت آنی رد ءَ سی جے سی ایس سی جنرل ساحر شمشاد مرزا ءَ را ”کنگ عبدالعزیز میڈل آف آنر (ایکسیلنٹ کلاس)“ دیگ بوتگ۔ سعودی فوجی سروکی ءَ پاکستانی اُرد آنی پیشہ وارانہ توانائی آناں ساڑات ءُ ناشرکاری ءِ ھلاپ ءَ جنگ ءَ پاکستان ءِ قربانی آناں من اِت۔