دوری وانگ ءُ زانگ ءِ نظام ءِ ارزشت روچ پہ روچ گیش بوھگ ءَ اِنت، نودربراں نوکیں وانگ ءُ زانگ ءِ ھاتر ءَ ھرچ وڑیں آسراتی ءِ پھجارینگ ءِ کوشست کنگ بوھگ ءَ اِنت، وفاقی وزیر رانا تنویر حسین

شیخوپورہ/اسلام آباد۔9نومبر  (اے پی پی): راجی وردن ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ علامہ اقبال اوپن یونیورسٹی شیخو پورہ ءِ دمگی کیمپس ءِ سرکاری رنگ ءَ بنگیج کت۔ مراگش ءَ وائس چانسلر پروفیسر ڈاکٹر ناصر محمود، یونیورسٹی ءِ افسر، استاد، نودربر ءُ مزنیں کساسے ءَ دمگی مہماناں بہر زرتگ ات۔ مراگش ءَ گوں گشتانک دیان ءَ وفاقی وزیر رانا تنویر حسین ءَ گوشت کہ دور وانگ ءُ زانگ ءِ نظام ءِ ارزشت وھد ءِ گوما گیش بوھگ ءَ انت۔ آئی ءَ گوشت کہ کوویڈ 19 ءِ وھد ءَ اے نظام ءِ کارمردی سرجمیں دگنیا ءِ دیم ءَ پدر بوت ءُ ھمے ھاتر ءَ مرچی علامہ اقبال اوپن یونیورسٹی ءِ داخلہ 1.2 ملین نودربر آنی تہ ءَ سر بوتگ۔ وفاقی وزیر ءَ گوشت کہ پروفیسر ڈاکٹر نصیر محمود ءِ متحرک سروکی ءَ گوستگیں لھتیں سال آنی تہ ءَ یونیورسٹی ءَ غیر معمولی پیشرفت کنگ ءَ اِنت۔ آئی ءَ گوشت کہ حکومت معیشت ءَ را برجم دارگ ءِ واستہ سنگینیں گامگیج کنگ ءَ انت، مئے پالیشی آناں جھان ءِ تک ءَ ساڑائی کنگ بوھگ ءَ انت ءُ آئی ایم ایف ءِ سر ءَ انحصار ءَ را کم کنگ ءِ نیمگ ءَ کامیابی ءَ گوں گامگیج زورگ ءَ انت۔ رانا تنویر حسین ءَ اے موہ ءِ سر ءَ شیخوپورہ ءِ دمگ ءَ کمپیوٹر کلاس بندات کنگ ءِ تجویز پیش کتگ ءُ گوشت کہ من وائس چانسلر ءَ چہ دزبندی کن آں کہ اے کیمپس ءَ کمپیوٹر کلاس بندات بہ کنت تانکہ نودربر آنی کساس گیش گیش بہ بیت ءُ ورنا آناں نوکیں وانگ ءُ زانگ ءِ موہ رس ایت۔ آئی ءَ گوشت کہ اوپن یونیورسٹی ءِ اے دمگ ءِ جوڑیشت ءَ چہ ادا ءِ زھگ آناں ھاسیں رنگ ءَ جنک آناں وانگ ءُ زانگ ءِ گرگ ءِ تہ ءَ غیر معمولی آسراتی رس ایت کہ اے یک وشیں دیمروئی یے ۔ اے موہ ءِ سر ءَ وائس چانسلر پروفیسر ڈاکٹر ناصر محمود ءَ گوشت کہ شیخوپورہ ءَ یونیورسٹی ءِ نودربر آنی کساس 10ہزار ءَ چہ گیش بوتگ کہ یونیورسٹی ءِ نیمگ ءَ داتگیں آسراتی آنی تہ ءَ چہ کم اِنت۔ آئی ءَ گوشت کہ یونیورسٹی ءِ مول ءُ مراد ایش انت کہ اے دمگ ءِ ھمک زھگ وانگ ءُ زانگ ءِ جوہر ءَ چہ لیس بہ بیت ءُ آ علامہ اقبال اوپن یونیورسٹی ءِ آسراتی آں چہ سرجمی ءَ پائدگ چست بہ کنت۔