علامہ محمد اقبال ءِ فکر ءُ فلسفہ برصغیر ءِ مسلمانانی ہاترا رہشونی ءِ وسیلہ انت،  مرچی ھم اقبال ءِ پیغام پاکستان ءِ نظریاتی ءُ فکری بُن ھشتانی مھکم کنگ ءِ تہ ءَ چراگ ءِ بستار ءَ ھست اِنت، بیرسٹر دانیال چوہدری

راولپنڈی۔9نومبر  (اے پی پی): وفاقی پارلیمانی سیکرٹری برائے اطلاعات ءُ نشریات ءِ بیرسٹر دانیال چوہدری ءَ گشتگ کہ علامہ محمد اقبال ءِ فکر ءُ فلسفہ برصغیر ءِ مسلمانانی ھاتر ءَ رہشونی ءِ وسیلہ انت۔ مرچی ھم اقبال ءِ پیغام پاکستان ءِ نظریاتی ءُ فکری بُن ھشتانی مھکم کنگ ءِ تہ ءَ یک چراگ ءِ بستار ءَ ھست اِنت۔ اقبال ءِ روچ ءِ درگت ءَ وتی کلوہ ءِ تہ ءَ آئی ءَ گوشت کہ علامہ اقبال ءَ وتی شائری ءِ وسیلگ ءَ برصغیر ءِ مسلمان آنی تہ ءَ آجوئی ءُ وت مہ وتی ءِ شعور بیدار کتگ ءُ راج ءَ را وت واجہی، ایمان، عمل، انصاف ءُ جمہوریت ءِ سبق داتگ۔ اقبال ءِ ھیالاں نہ ایوک ءَ قائداعظم محمد علی جناح ءِ کاروان وتی منزل ءِ نیمگ ءَ دیم ءَ برتگ بلکیں ورناہانی دلاں یک نوکیں شوق ءُ مول ءُ مراد ءِ تبے ھم داتگ۔ بیرسٹر دانیال چوہدری ءَ گشتگ کہ وت مہ وتی ءِ فلسفہ اصل ءَ اقبال ءِ ھاتر ءَ مہر ءِ راستیں درشان انت۔ ایوکا اقبال ءِ فکر ءِ رندگیری ءَ چہ پاکستان یک اعتدال پسند، رژناہ ءُ فلاحی ریاستے جوڑ کنگ بیت کنت۔ وفاقی پارلیمانی سیکرٹری ءَ گوشت کہ مرچی یک راجی ءِ بستار ءَ مارا علامہ اقبال ءِ ھیال آناں چراگ جوڑ کنگ ءِ جزم ءَ را نوک کنگ لوٹ ایت پرچا کہ اقبال ءِ پاکستان ءِ تصور مئے راجی پجار ءُ استحکام ءِ بنیات انت۔ آئی ءَ گوشت کہ 1930 ءِ الہ آباد ءِ وعظ ءَ مسلم آنی حاکمیت ءِ تصور ءَ را نوکیں رھشونی دات، ایشی ءَ چہ گڈی ءَ پاکستان ءِ بُن ھشت ایر کنگ بوت۔ بیرسٹر دانیال چوہدری ءَ گوشت کہ ورنا اقبال ءِ ھیال آناں چراگ جوڑ بہ کن انت، وت ءَ را پجار بہ کن انت ءُ محنت، ایمان ءُ عمل ءِ وسیلگ ءَ پاکستان ءِ واستہ رژنائیں آیوکیں باندات جوڑ بہ کن انت۔ اقبال ءِ پیغام نسلانی تہا اے باور ءِ زندگ کنت کہ آ وت ءَ باور بہ کن انت ءُ پہ اجتماعی خیر ءَ کار بہ کن انت۔