صدر آصف علی زرداری ءَ خیبر پختونخوا ءَ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را شگر ءُ منت

اسلام آباد۔ 10نومبر (اے پی پی): صدر آصف علی زرداری ءَ خیبر پختونخوا ءَ ناشرکار آنی ھلاپ ءَ سیکورٹی فورسز ءِ سوبمندیں آپریشن ءَ را شگر ءُ منت درشان کتگ ءُ گوشت کہ ’’استحکام ءِ جزم‘‘ ءِ چیر دستی ءَ ناشرکاری ءِ آفت ءِ ھلاسی ءَ تاں آپریشن برجاہ بیت۔ صدر ءِ مملکت ءِ کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ صدر ءِ مملکت ءَ شمالی وزیرستان ءُ دارہ آدم خیل ءَ انٹیلی جنس ءِ بنیاد ءَ کنگ بوتگیں آپریشن آنی سوبمندی ءَ را راج ءِ جزم ءُ آجوئی ءِ درشان لیک اتگ۔ صدر آصف علی زرداری ءَ گوشت کہ فتنہ الخوارج ءُ آئی ءِ بھارت دوستیں آسراتی پاکستان ءِ امن ءُ ایمنی ءِ دژمن اَنت ءُُ ھما ناشرکار کہ درملک ءَ چہ ملک ءِ سرگرمیں رنگ ءَ کمک کنگ ءَ اَنت آ راجی تپاکی ءَ گوں سرجمی ءَ ھلاس کنگ بوھگ ءَ اَنت۔ صدر آصف علی زرداری ءَ شہیداں شگر ءُ منت گپتگ ءُ سیکورٹی فورسز ءِ جزم ءُ دلیری ءَ را شگر ءُ منت کتگ۔ صدر مملکت ءَ وتی اے جزم ءِ سر ءَ زور پر دات کہ ’’استحکام ءِ ٹھینگ‘‘ ءِ چیر دستی ءَ ناشرکاری ءِ آفت ءِ ھلاسی ءَ تاں آپریشن برجاہ بیت۔