اسپیکر قومی اسمبلی سردار ایاز صادق نا علی گوہر خان مہر انا لمہ نا کزیت آ ہڑزخواہی نا درشان

اسلام آباد۔ 10 نومبر (اے پی پی) اسپیکر قومی اسمبلی سردار ایاز صادق ممبر قومی اسمبلی علی گوہر خان مہر انا لمہ نا کزیت آ ڈکھیائی و است ہسونی نا درشانی ءِ کرینے۔ دوشنبے نادے آ قومی اسمبلی سیکرٹریٹ آن جاری بیان نا رداٹ اسپیکر قومی اسمبلی نا باسک علی گوہر خان مہر انا گھوٹکی ٹی اُراغا ہنا و اواونا لمہ نا کزیت آ ہڑزخواہی نا درشانی ءِ کرے۔ اسپیکر قومی اسمبلی ایماندار نا روح انا ثواب کن دعاپاتیا کرے و پدسلوک آ خاہوت تون ہمدردی و یکجہتی نا درشانی ءِ کرے۔ اسپیکر قومی اسمبلی پارے کہ ایماندار نا کزیت علی گوہر خان مہر و اونا خاہوت کن اسہ بے بدل ءُ نسخان اسے۔ اوپارے کہ لمہ و باوہ قدرت نا انمول ٹیکی ءُ اوفتا کزیت بھلو صدمہ اسے۔ اودعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے و علی گوہر خان مہر تون اوار اونا خاہوت ءِ دابے بدل نسخان ءِ سگنگ کن صبر وجمیل عطاکے۔