صدر مملکت آصف علی زرداری نا ڈاکٹر عارفہ سیدہ زہرا نا کزیت آ ڈکھیائی و غم انا درشان

اسلام آباد۔ 10 نومبر (اے پی پی) صدر مملکت آصف علی زرداری پنی آ ماہر تعلیم، دانشور و ادیبہ ڈاکٹر عارفہ سیدہ زہرا نا کزیت آ ڈکھیائی و غم انا درشانی ءِ کرساپارینے کہ ایماندار نا علمی خذمت و قومی زبان نا مون آ دننگ کن کوشست آتے مدام یات تخنگک۔ دوشنبے نادے آ ایوان صدر نا پریس ونگ آن جاری بیان نا رداٹ صدر مملکت آصف علی زرداری پارے کہ ڈاکٹر عارفہ سیدہ زہرا نا کزیت پاکستان نا علمی و ادبی حلقہ غاتیکن اسہ بے بدل ءُ نسخان اسے۔ ڈاکٹر عارفہ سیدہ زہرا تینا زند علم، پٹ وپول و خذمت انسانیت کن وقف کرسا اسہ روشنا درور اس قائم کرے۔ صدر مملکت پارے کہ ایماندار نا علمی خذمت و قومی زبان نا مون آ دننگ کن کوشست آتے مدام یات تخنگک۔ صدر آصف علی زرداری ایماندار نا خاہوت، شاگڑد و علمی برادری تون ہمدردی و ہڑزخواہی نا درشانی ءِ کرسا دعاکرے کہ اللہ تعالیٰ ایماندار ءِ جنت اٹ جاگہ ایتے و خاہوت ءِ صبر وجمیل عطاکے۔