بیست ءُ ہفت می آئینی ترمیم نا بابت ہچ وڑنا ڈیڈلاک اس اف، ننا وونٹ آک پورو ءُ، ہچ ءُ وڑاسے نا ابہام اس اف، بنجائی وزیر حوالکاری و شینکاری عطاء اللہ تارڑ

اسلام آباد۔ 10 نومبر (اے پی پی) بنجائی وزیر حوالکاری وشینکاری عطاء اللہ تارڑ پارینے کہ 27 می آئینی ترمیم نا بابت ہچ وڑانا ڈیڈ لاک ا س اف، وزیراعظم نا پارت آ اونا استثنیٰ نا بابت ترمیم کمیٹی آن پدی مسنے، وزیراعظم سمجھاکہ او الس وکانود نا عدالت اٹی جوابدہ ءِ، اونا دا جوان ءُ گام اسے، بنجاو صوبہ غاتا نیام اٹ رشتہ ءِ سوگو کننگ، ملک ءِ دفاعی وڑاٹ سوگو و دفاعی قوت اٹی ودکی کن جوان ءُ ترمیم اس اتنگانے، ننا وونٹ آک پورو ءُ، ہچ ءُ ابہام اس اف۔ دوشنبے نادے آ داڑے پارلیمنٹ ہاؤس اٹی میڈیا تون گپ وتران کرسا وزیرحوالکاری وشینکاری پارے کہ 27 می ترمیم آئینی ترمیم نا بابت ہچ وڑنا ڈیڈلاک اس اف، وزیراعظم محمد شہباز شریف استثنیٰ ہلپننگ نا فیصلہ کریسس و درو آذربائیجان آن پدی بننگ تون ہی او پارت کرے و اینو کمیٹی آن ہم او شق پدی مسنے، دااسہ جوان ءُ گام اسے، وزیراعظم محمد شہباز شریف سمجھا کہ او الس و کانود نا عدالت اٹی جوابدہ ءِ۔ اوپارے کہ غٹ ترمیم آتے گڈگورننس، بنجانا صوبہ غاتون سوگو رشتہ ، پاکستان ءِ دفاعی وڑاٹ پین سوگو کننگ و دفاعی واک اٹی ودکی کن بھلو گپ و تران اسے آن پد اتنگا۔ اسہ سوج اسے نا ورندی ٹی بنجائی وزیر حوالکاری و شینکاری پارے کہ مچ آ دنیاٹی سروک ریاست ءِ استثنیٰ دوئی مریک، داچوائس مریک ، مچ آ دنیا ٹی دا نظام رواج ءِ۔ اوپارے کہ مچ آ دنیا ٹی آئینی عدالت آتا تصور ساڑی ارے، چارٹرآف ڈیموکریسی نا وخت آن دا شرہ چلینگاکہ کہ آئینی عدالت بایدے مرے، مسلم لیگ ن ، پیپلزپارٹی و اے این پی نا دا اسیجائی خواست ئس، کیہی دہائی آن چلینگوک آ شرہ داسہ ایسر انجام اسکان سرمسنے۔ اوپارےکہ 26 می آئینی ترمیم اٹی آئینی بنچ جوڑ کننگا ہرانا بھرمک مون آ بسنو، عدالت آتیٹی مقدمہ غاتا ورک لوڈ کم مس وخت اس کہ عدلیہ ناکارکڑد اٹی ہم ودکی مس۔ اوناپاننگ ئس کہ آئینی باندات آک کم مریرہ ولے اوفتیا وخت بھاز زیات خڑچ مریک۔ اوپارے کہ جوڈیشل ریفارمز اٹی اصلاحات انصاف نا زوت و دمدستی فراوانی کن جوان ءُ گام اسے۔ اوپارے کہ ننا وونٹ آک پورو ءُ، کس اسے نا ہچ ءُ ابہام اس اف، دا مثبت آئینی ترمیم آک ءُ و گچین جہانی وڑوڈول آتے ہرسا تیار کننگانے۔ بنجائی وزیرپارے کہ آئین اسہ زندہ دستاویز اسے ہراٹی ارتقانا عمل ریسہ وار چلینگسا کیک و دانا رداٹ اینو اسکان 27 ترمیم مسنے ہرا ستاکڑزک۔