اسلام آباد۔ 10 نومبر (اے پی پی) سعودی عرب آن بین الپارلیمانی اسپیکرز کانفرنس اٹی بشخ ہلنگ کن پارلیمانی ڈل اسلام آباد بالی پٹ آ سرمس۔ سینیٹ سیکرٹریٹ آن جاری بیان نا رداٹ ڈل انا کماشی ءِ سعودی شوریٰ کونسل نا نائب چیئرمین عبداللہ بن عدم فلاتعہ کننگ ءِ۔ ڈل اٹی ڈاکٹر عثمان ہاکامانی ، عبداللہ اطلاس و ڈاکٹر معین المدنی ئسک ہم اوار ءُ۔ بالی پٹ آ ڈل …
سعودی عرب آن پارلیمانی ڈل اسلام آباد بالی پٹ آ سرمس
گیشتریں ھال
اسلام آباد۔ 10 نومبر (اے پی پی) سعودی عرب آن بین الپارلیمانی اسپیکرز کانفرنس اٹی بشخ ہلنگ کن پارلیمانی ڈل اسلام آباد بالی پٹ آ سرمس۔ سینیٹ سیکرٹریٹ آن جاری بیان نا رداٹ ڈل انا کماشی ءِ سعودی شوریٰ کونسل نا نائب چیئرمین عبداللہ بن عدم فلاتعہ کننگ ءِ۔ ڈل اٹی ڈاکٹر عثمان ہاکامانی ، عبداللہ اطلاس و ڈاکٹر معین المدنی ئسک ہم اوار ءُ۔ بالی پٹ آ ڈل ءِ جم وجوش اٹ بخیر سینیٹر ندیم احمد بھٹو کرے۔ داوخت آ سینیٹ سیکرٹریٹ نا سینئر آفیسر آک ہم ساڑی ئسر۔ بین الپارلیمانی اسپیکرز کانفرنس چیئرمین سینیٹ سید یوسف رضاگیلانی نا قائدانہ لائخی تا درشانی ءِ ہرا جہانی کہول آ پارلیمانی سفارتکاری نا مون آدننگ کن اسہ اہم ءُ گام اسے۔ داکانفرنس 11 آن 12 نومبر 2025ء آ اسلام آباد اٹی اڈ ہلیک۔ دا جہانی ایونٹ امن، کمکاری و پارلیمانی رابطہ غاتا مون آ دننگ اٹ مزل نا نشان مریک و چندی ملک آتا پارلیمانی ڈل آتا نیام اٹ تعلقداری تے پین سوگو کیک۔
