علامہ اقبال ءِ پگر انگت مئے راجی ءُ اجتماعی زند ءِ ھاتر ءَ رہشونی ءِ وسیلہ اِنت، اقبال ءِ روچ ءِ روچ ءَ مزن وزیر شہباز شریف ءِ کلوہ

اسلام آباد۔ 9نومبر  (اے پی پی): مزن وزیر محمد شہباز شریف ءَ مشرق ءِ شاعر، اسلام ءِ مپگر ءُ پاکستان ءِ نقاش علامہ محمد اقبال ءِ سالروچ ءِ درگت ءَ وتی کلوہ ءِ تہا گشتگ کہ اقبال ءِ پگر انگت ءَ مئے راجی ءُ اجتماعی زندمان ءِ رہشونی ءِ چریش انت۔ اقبال ءَ غلامی ءِ تہاری ءَ وت ءُ ایمان ءِ شمع ءِ رُژنائی دات ءُ یک نا اُمیتیں راجے ءَ را سرپدی ، زانت ءُ عمل ءُ وت ءَ چہ وتی سرا باور کنگ ءِ سبق دات۔ پاکستان اقبال ءِ سوچ ءِ رژنائی ءَ مسلم امت ءِ یکوئی ءُ جھان ءِ امن ءِ دیمروئی ءِ واستہ وتی جوڑیشت ءِ کرد ءَ برجاہ دار ایت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ وتی کلوہ ءِ تہ ءَ گوشت کہ علامہ اقبال ءِ ورنا راج ءِ آرکیٹیکٹ ءُ آیوکیں وھد ءِ فالکن اَنت۔ حکومت اقبال ءِ اے پگر ءِ رژنائی ءَ پہ ورنائیں نسل ءَ اے وڑیں وانگ ءُ زانگ ءِ دیمروئی ءِ ھاترا جزم اِنت کہ اے نہ ایوک ءَ روزگار ءِ وسیلہ اِنت بلکیں کردار سازی ءُ پگری تربیت ءِ نیمگ ءَ ھم روت۔ آئی ءَ گوشت کہ وانگ ءُ زانگ ءِ نظریاتی پڑ ءَ را مھکم کنگ وھد ءِ لوٹ اِنت، پرچا کہ مئے رژنائیں باندات ایشی ءِ سر ءَ بندوک اِنت۔ آئی ءَ گوشت کہ ورنا آناں توانمند کنگ ءِ واستہ حکومت جدید وانگ ءُ زانگ، ہنر ءِ دیمروئی ءُ روزگار ءِ موہ پجاری کنگ ءَ انت ایشی ءِ تہ ءَ "اودان پاکستان” ءَ ھوار بازیں پروگرام ھم ھوار انت۔ آئی ءَ گوشت کہ علامہ اقبال یک اسلامی مپگر ءِ بوتگ آئی ءَ مسلم امت ءِ یکوئی ءُ دگنیا ءَ امن ءِ برجائی ءِ واب گندگ بوتگ۔ مروچی اقبال ءِ اے کلوہ ءِ زلورت اِنت کہ فرقہ وارانہ جاہ ءَ براتی، نیکراھی ءِ جاہ ءَ مہر، زور ءِ جاہ ءَ انصاف دیگ بہ بیت۔ اقبال ءِ پکر راجی پالسی ، وانگ ءُ زانگ ءِ اولویت ءُ اجتماعی زندمان ءِ واستہ چراگ انت ۔ مارا اقبال ءِ وانینگ وتی کارانی محور جوڑ کنگی اِنت دانکہ پاکستان راستی ءَ اقبال ءِ وابانی سرجمی ءِ جاہ جوڑ بہ بیت، یک انچیں پاکستانے کہ اودا زانت ءُ عمل، مہر، برداشت، امن ءُ انصاف ءِ سرا غالب بہ بیت۔