علامہ محمد اقبال ءِ چاگردی رہبنداں پاکستان ءِ راجی پجار ءِ سرا یک انمٹیں نشانے یلہ داتگ صدر آصف علی زرداری ءِ علامہ محمد اقبال ءِ ودی بوھگ ءِ روچ ءِ درگت ءَ کلوہ

اسلام آباد-9نومبر (اے پی پی): صدر آصف علی زرداری ءَ گوشت کہ علامہ محمد اقبال ءِ چاگردی رہبند کہ مسلمان آنی سیاسی نمائندگی ءُ اسلامی قدر آنی سر ءَ بندوک اَنت آھاں پاکستان ءِ راجی پجار ءِ سر ءَ نا مٹیں نشان یلہ داتگ۔ مرچی ما الّامہ محمد اقبال ءِ ودی بوھگ ءِ روچ ءَ دارگ ءَ ایں ۔ مشرق ءِ شاعر ءُ سسا ساچ کنوک ءِ رؤگ ءَ برصغیر ءِ مسلمانانی تہا آجوئی ءُ وت واجہی ءِ شعور بیدار کت۔ صدارت ءِ میڈیا ونگ ءِ رد ءَ صدر مملکت ءَ علامہ محمد اقبال ءِ پیدائش ءِ روچ ءِ درگت ءَ وتی پیغام ءِ تہ ءَ گوشت کہ 1930ءَ مسلم لیگ ءِ سالانہ دیوان ءَ وتی راجدپتری گشتانک ءَ علامہ اقبال ءَ مسلمان آنی ھک آنی رکھینگ ءِ ضلورت ءِ سر ءَ زور پر دات کہ ایشی ءَ پد ءَ ریاست ءِ آجوئی بوت۔ صدر ءِ مملکت ءَ گوشت کہ اقبال ءِ فکری ءُ لبزانکی میراث ایوک ءَ آئی ءِ نامداریں کار اسرار خودی، رموزِ بے خودی اور بانگِ درا   تاں  بندوک نہ انت، بلکینگ ءَ  اے میراث وت جوزگی ، روحانیت ءُ آجوئی ءِ وڑیں جوانیں  بنگپ آنی تہ ءَ ھوار انت۔ آئی ءَ گوشت کہ مسلمان آنی سیاسی نمائندگی ءُ اسلامی قدر آنی سر ءَ آئی ءِ چاگردی اصول آنی سر ءَ پاکستان ءِ راجی پجار ءِ سر ءَ نا مٹیں نشان یلہ داتگ۔ صدر ءِ مملکت ءَ گوشت کہ وھدے ما اے غیر معمولی شخصیت ءَ را شرپ ءُ شان پیش کن ایں گڈا ما آئی ءِ اصول آنی سر ءَ عمل کنگ ءِ جزم ءَ را ھم نوک کن ایں ءُ یک وشھال، پرامن ءُ یکجاھیں پاکستان ءِ جوڑیشت ءِ واستہ کوشست کن ایں ۔ اقبال ءِ زند ءُ تعلیمات ءَ چہ رہشونی زورگ ءُ روشنیں باندات ءِ واستہ یکجائی ءَ کار کنگ لوٹیت۔ صدر ءِ مملکت ءَ گوشت کہ خدا مئے دیمروئی ءِ واستہ اقبال ءِ وژن ءِ راھشونی ءَ بہ کنت ءُ آئی ءِ پکری پڑ ءَ مدام آیوکیں نسل آناں دلبڈی بہ دنت۔