مسلم لیگ ن ءِ سینیٹر 27می آئین ءِ ترمیم ءَ مزن وزیر ءِ استثنی ءِ تجویز ءَ پد ءَ کش اَنت، دوئیں ایوان آنی یکجائی کمیٹی ءَ مسودہ ترمیم ءِ سر ءَ 85درسد کار سرجم بوتگ، وفاقی کانود ءِ وزیر اعظم نظیر تارڑ

اسلام آباد۔9نومبر  (اے پی پی):وفاقی کانود ءِ وزیر اعظم نظیر تارڑ ءَ گوشت کہ مسلم لیگ ن ءِ سینیٹر 27می آئین ترمیم ءَ مزن وزیر ءِ استثنیٰ ءِ تجویز ءَ پچ کن اَنت، دوئیں ایوان آنی یکجائی کمیٹی ءَ مسودہ ترمیم ءِ سر ءَ 85درسد کار سرجم بوتگ۔ یک شمبے ءِ روچ ءَ پارلیمنٹ گس ءَ احوالکاراں گوں تران کنان ءَ وزیر ءِ کانود ءَ گوشت کہ دوئیں ایوان آنی یکجائی کمیٹی ءَ 27می ترمیم ءِ مسودہ ءِ سر ءَ 85درسد کار سرجم کتگ، ایم کیو ایم ءَ ھوار ایندگر فریق آنی تجویز آنی سر ءَ ھم چار ءُ تپاسی کنگ بیت، امیت انت کہ کمیٹی زوت وتی کار ءَ سرجم کنت۔ آئی ءَ گوشت کہ مزن وزیر گوستگیں روچ ءَ آذربائیجان ءَ چہ پاکستان ءَ واتر بوتگ، مزن وزیر ءَ استثنیٰ ءِ ھوالگ ءَ تجویز رد کتگ، مزن وزیر دی اٹارنی جنرل ءُ من ءَ گوانک جنگ بوتگ۔ مسلم لیگ ن ءِ سینیٹر مزن وزیر ءِ استثنی ءِ ھوالگ ءَ پیش کرتگیں تجویزاں پد ءَ کش انت ۔ آئی ءَ گوشت کہ صدر ءِ مملکت ءُ ایندگر عہدگ آنی واستہ استثنیٰ ءَ گوں سیادی داروکیں چیز جتا اَنت، مزن وزیر اے وڑیں ھچ وڑیں استثنیٰ نہ لوٹ ایت۔ آئی ءَ گوشت کہ جے یو آئی ءِ باسک آناں گوستگیں روچ ءَ کمیٹی ءِ دیوان ءَ بھر زوری کتگ ات، جے یو آئی ءِ باسک آں کمیٹی ءَ را پارٹی ءِ پالیشی ءِ بابت ءَ سرپدی داتگ ات۔ آئی ءَ گوشت کہ منی ھیال ءَ پارلیمانی پارٹی وتی ووٹ ءِ حق ءَ کارمرز بہ کن انت۔