علامہ اقبال ءَ یک انچیں راجے ءِ واب دیستگ کہ آ باوقار بہ بیت، آجو بہ بیت ءُ دنیا ءِ تہا سروکیں کردے پیلو بہ کنت، وفاقی وزیر پروفیسر احسن اقبال

اسلام آباد۔9نومبر  (اے پی پی):منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ علامہ اقبال ءَ یک انچیں راج ءِ واب دیستگ کہ آ باوقار، آجو ءُ دگنیا ءِ تہ ءَ سروکیں کرد ءَ پیلو بہ کنت ءُ اقبال ءِ پیغام ورنا آنی واستہ مشعل راہ اِنت۔ یک شمبے ءِ روچ ءَ اقبال ءِ روچ ءَ وتی کلوہ ءِ تہ ءَ آئی ءَ گوشت کہ مرچی مشرق ءِ شاعر، پاکستان ءِ شاہزانت ڈاکٹر علامہ محمد اقبال ءِ پیدائش ءِ روچ اِنت۔ علامہ اقبال مسلمان امت ءِ یک رژنائیں، شاہزانت ءُ دانشوریں معمارے بوتگ۔ علامہ اقبال ءَ یک انچیں راجے ءِ واب دیستگ کہ آ باوقار، آزات ءُ دنیا ءِ تہا سروکیں کردے پیلو کنت، آئی ءِ تہا وت ءِ فلسفہ، وت ءِ سرا اعتماد ءُ زند ءِ مول ءُ مراد ءِ ہست انت۔ احسن اقبال ءَ گشتگ کہ علامہ اقبال ءِ پیغام "چہ استالاں” انت "کہ دیم ءَ دگہ است انت” مارا یات دنت کہ جست ءُ پرس، محنت ءُ دیمروئی ءِ سفر ہچبر نہ بندیت۔ اقبال ءِ کلوہ ورناہاں چراگ ءِ چراگ انت۔ احسن اقبال ءَ گوشت کہ اگاں ما زانت، کردار، نظم ءُ ضبط ءُ سرجمیں ایمان ءَ وتیگ بہ کن ایں گڈا ما رھشونی ءُ ھزمت ءِ برزی ءَ سر بوت کناں۔ کامیابی ءِ ھاترا شارٹ کٹ نیست۔ مارا گوں مدامیں محنت، باور ءُ وت مہ وتی ءَ دیم ءَ روگی اِنت۔ مرچی پاکستان ءِ سرکار "اودھان پاکستان” ءِ وژن ءِ چیر دستی ءَ اقبال ءِ واب ءَ پیلو کنگ ءِ سفر ءَ انت۔ احسن اقبال ءَ گوشت کہ "اُدھان پاکستان” اصل ءَ راجی زندگ بوھگ، فکری نوک کنگ ءُ اجتماعی جزم ءِ استعارہ اِنت۔ بیا اِت ما درست یکجاہ بہ بئیں گوں نوکیں جزم ءَ پاکستان ءَ ھما جاہ ءَ سر بہ کنیں کہ اقبال ءَ واب دیستگ اَت۔