وفاقی داخلہ ءِ وزیر محسن نقوی ءَ پاکستان ءِ شاہزانت ءُ مشرق ءِ شاعر علامہ محمد اقبال ءَ را جوانیں لبزاں گوں یات کنائینتگ

اسلام آباد۔9نومبر  (اے پی پی):وفاقی تہی کارانی وزیر محسن نقوی ءَ جوانیں لبزاں گوں پاکستان ءِ شاہزانت ءُ مشرقی شاعر علامہ محمد اقبال ءَ را شگر ءُ منت گپت ءُ گوشت کہ ما اقبال ءِ رھبندانی رندگیری ءَ پاکستان ءِ دیمروئی، یکوئی ءُ امن ءِ واستہ کوشست بہ کن ایں۔ یک شمبے ءِ روچ ءَ اقبال ءِ روچ ءِ سر ءَ وتی کلوہ ءِ تہ ءَ وفاقی وزیر ءَ گوشت کہ اقبال ءِ شخصیت ءُ فکر یک بے دروریں میراث اِنت، ایشی ءَ بھارت ءِ مسلمان آنی تہ ءَ وت ءُ شرپ ءِ جذبہ ءَ را بیدار کتگ۔ پاکستان اقبال ءِ واب ءِ سرجم کنگ اِنت ءُ ایشی ءِ رکھینگ مئے درستانی ذمہ واری اِنت۔ محسن نقوی ءَ گوشت کہ علامہ اقبال ءِ پکر مروچی ھم مئے واستہ رھشونی ءِ سکین انت۔ اقبال ءِ وت ءِ فلسفہ ءَ ورناہاں مزنیں ہمت، بے مٹیں ایمان ءُ وت ءَ چہ وتی سرا اعتماد دات۔ اقبال ءِ شاعری بے وھدیں پیغامے کہ عمل ءُ فکر ءِ دعوت ءَ دنت۔ اقبال ءِ رھبندانی رندگیری ءَ چہ پاکستان ءِ دیمروئی، یکوئی ءُ امن ءِ واستہ کوشست کنگی اِنت ۔ اقبال ءِ ھیال ءُ لیکہ پہ ورناہاں چراگ انت ۔ آ وتی جند ءِ پجار ءَ بہ زان اَنت ءُ پاکستان ءِ وشیں باندات ءِ جوڑ کنگ ءِ واستہ مزنیں محنت ءُ کوشست بہ کن اَنت۔ وفاقی وزیر ءَ گوشت کہ مرچی مارا وتی ملک ءِ دیمروئی ءُ دیمروئی ءِ واستہ اقبال ءِ کلوہ ءَ وتی کنگی انت۔ اللہ تعالیٰ مارا اقبال ءِ فکرانی رندگیری ءِ سوبین بہ دنت ءُ ملک ءَ را دیمروی ءِ کوپگاں بُرت بہ کنت۔