پاکستان ایوک ءَ علامہ اقبال ءِ ھیالانی رندگیری ءَ چہ یک انساپ دوستی ءُ گہبودی ریاستے جوڑ بیت،   پنجاب ءِ سر وزیر مریم نواز

لاہور۔9نومبر  (اے پی پی):پنجاب ءِ سر وزیر مریم نواز ءَ گشتگ پنجاب ءُ پنجاب ءِ مہلوک ءَ پاکستان ءِ شاہزانت علامہ محمد اقبال ءِ فکری عظمت ءَ را سلام انت ۔ پاکستان ایوک ءَ علامہ اقبال ءِ فکر ءِ رندگیری ءَ چہ یک انساپ دوستی ءُ گہبودی ریاستے جوڑ بیت۔ جاری بیان ءِ رد ءَ پنجاب ءِ سر وزیر مریم نواز ءَ مشرق ءِ شاعر ، پاکستان ءِ نقاش علامہ محمد اقبال ءِ پیدائش ءِ روچ ءِ درگت ءَ ھاسیں پیغام ءِ تہ ءَ گیش کتگ کہ علامہ اقبال ءَ وتی شاعری ءِ وسیلگ ءَ برصغیر ءِ مسلمان آناں آجوئی ءِ احساس داتگ ،  آئی ءَ گوشت کہ راج ءِ واستہ وت مہ وتی ءِ سبق علامہ اقبال ءِ مزنیں احسان اِنت، وت مہ وتی ءِ فلسفہ ءِ سر ءَ عمل کنگ علامہ اقبال ءِ واستہ مھر ءِ درشان کنگ ءِ جوانیں راہ اِنت۔ مریم نواز ءَ گیش کرتگ کہ علامہ اقبال ءِ شاعری ءُ فکر ءِ رندگیری آئی ءَ را یات کنگ ءِ شرتریں راہ اِنت۔ آئی ءَ وتی ھیال ءِ کشّوکیں شاعری ءِ وسیلگ ءَ وت ءَ وتی سرا زُرتگ، بُرزیں قدر ءُ قیمت، انصاف، رُژنائی ءُ جمہوریت ءِ درس داتگ۔ سر وزیر پنجاب ءَ گوشت کہ علامہ اقبال اسلام ءِ آفاقی پیغام ءِ واھند اِنت کہ ھمک وھد ءِ واستہ زندگ ءُ مان اِنت۔ پاکستان ءِ واستہ علامہ اقبال ءِ وژن ءَ سرپد بوھگ ءِ زوتیں ضلورت انت۔ اقبال ءِ ھیالانی رندگیری ءَ یک آجو، منصفانہ ءُ انصاف ءِ معاشی ءُ چاگردی نظام ءِ جوڑ کنگ ءِ وھد ءِ لوٹ اِنت۔ مریم نواز ءَ گوشت کہ ایوک ءَ اقبال ءِ فکر ءُ فلسفہ ءِ راستیں ترجمانی ءَ چہ پاکستان سیاسی، معاشی، مذہبی ءُ چاگردی رنگ ءَ دگنیا ءِ تہ ءَ نامداریں بستار ءَ رس ایت۔ مرچی ما یک راجے ءِ بستار ءَ وتی اے جزم ءَ پدا پدر کنگی اِنت کہ علامہ اقبال ءِ ھیالاں رژن ءِ چراگ جوڑ بہ کنیں۔