زندگیں راج وتی خیرخواہاں یات بہ کن انت، پاکستانی اقبال ءِ گپانی عملی ترجمانی جوڑ بوھگ ءَ دنیا ءِ ھاترا مثال ثابت بہ کن انت، وزیر دفاع خواجہ محمد آصف

سیالکوٹ۔9نومبر  (اے پی پی):وزیر دفاع خواجہ محمد آصف ءَ گشتگ کہ زندگیں راج مدام وتی خیرخواہاں یات کن انت، وہدے راج وتی خیرخواہانی مہر ءَ چہ شموشکار بنت گڑا آ وتی منزل ءَ چہ زبہر بنت، مارا اقبال ءِ گپانی پیغام ءَ زندگ ءُ بے مَرگ دارگی انت ءُ ما پاکستانی آں دنیا ءِ ھاتر ءَ یک مثالے ثابت کنگی انت۔ علامہ اقبال ءِ پیدائش ءِ روچ ءَ سیالکوٹ ءِ وتی میتگ ءَ برجم دارگ سک باز وش آتک کنگ بیت۔ اے ھیالانی درشانی آئی ءَ اقبال منزیل ءَ برجم داشتگیں پیدائش ءِ روچ ءِ مراگش ءِ موہ ءَ میڈیا ءَ گوں تران کنان ءَ کت۔ اے موہ ءِ سرءَ صوبائی وزیر کار ءُ نیروی انسانی منشاللہ بٹ، صوبائی اسمبلی ءِ باسک چوہدری فیصل اکرم، دمگی مہلوک ءُ ایندگر شہری ھم ساڑی بوتگ اَنت۔ وفاقی وزیر ءَ گیش گوشت کہ علامہ اقبال ءِ اردو ءُ فارسی شاعری ءَ را مدام زندگ دارگ بہ بیت ءُ آئی ءِ فلسفہ ءُ واب ءِ عملی سرجمی ءِ واستہ کار کنگ بہ بیت۔ آئی ءَ گوشت کہ اے وشی ءِ گپ اِنت کہ اے مراگش مشرق ءِ شاعر ءِ ھمساھگی ءَ برجم دارگ بوھگ ءَ اِنت ءُ ادا ھستیں دیم ھم علامہ اقبال ءِ کھول یا آھانی نزیکیں سیادی ءَ گوں بندوک اَنت۔ خواجہ محمد آصف ءَ گوشت کہ بدقسمتی ءَ ما علامہ اقبال ءِ اصل پیغام ءَ چہ دور بوھگ ءَ ایں، اگاں چہ آئی ءَ مسلمان آنی واستہ جتاھیں وطن ءِ واب دیستگ ءُ وتی سرجمیں زند ءَ گوں مھر، جزم ءُ لگن ءَ ایشی ءِ واستہ کار کتگ۔ آئی ءِ فلسفہ ءُ شاعری انگت ءَ نہ ایوک ءَ پاکستان ءَ بلکیں سرجمیں دگنیا ءَ باز ارزشت دیگ بیت۔ آئی ءَ گوشت کہ مرچی مسلم امت گمراہ انت ءُ غزہ ءَ چہ مقبوضہ کشمیر ءَ تاں زلم برجاہ انت۔ آئی ءَ گوشت کہ اللہ تعالیٰ مارا اے طاقت بہ دنت کہ مظلومیں برات گھار ءُ زھگ آنی کمک ءَ بہ کن ایں ءُ آھانی حق ءَ وتی توار ءَ چست بہ کن ایں ۔ مسلمان امت یکجاہ بہ بیت دانکہ ہما مشکل کہ مرچی فلسطین ءُ کشمیر ءِ مسلمانانی دیم ءَ انت آ سرجمیں امت ءَ وتی لاپ ءَ مہ جن انت۔ ایشی ءَ چہ پیسر وزیر دفاع خواجہ محمد آصف ءُ ایندگراں علامہ اقبال ءِ سالروچ ءِ کیک اقبال منزیل ءَ کٹ اتگ۔ اے موہ ءِ سر ءَ علامہ اقبال ءِ ابدی داد ءُ ملک ءِ رکھینگ ءِ ھاترا دعا وانینگ بوت۔