گچین بوتگیں مزن وزیر قانون ءُ راج ءِ دیم ءَ احتساب کنت ، مزن وزیر شہباز شریف

اسلام آباد۔9نومبر  (اے پی پی):مزن وزیر محمد شہباز شریف ءَ مزن وزیر ءِ استثنیٰ ءِ ھوالگ ءَ وتی پارٹی ءِ سینیٹر آنی ترمیم رد کتگ ءُ گوشت کہ گچین بوتگیں مزن وزیر کانود ءُ الس ءِ دیم ءَ احتساب کنت۔ یک شمبے ءِ روچ ءَ مزن وزیر محمد شہباز شریف ءَ ایکس ءِ سر ءَ وتی پوسٹ ءَ گوشت کہ آذربائیجان ءَ چہ واتر بوھگ ءَ من ءَ گْوشگ بوتگ کہ منی پارٹی ءِ لھتیں سینیٹراں سینیٹ ءَ مزن وزیر ءِ استثنیٰ ءِ ھوالگ ءَ ترمیم ءِ شق پیش کتگ کہ کابینہ ءِ منظور کتگیں مسودہ ءَ ھوار نہ بوتگ۔ مزن وزیر ءَ گوشت کہ عزت مندیں سینیٹر آنی مخلصی ءِ سر ءَ منت وار کنان ءَ من آھاں ہدایت کتگ کہ آ اے ترمیم ءَ را زوت پد ءَ بہ کن اَنت۔ گچین بوتگیں مزن وزیر یقینا قانون ءُ الس ءِ دیم ءَ احتساب کنت۔