بین پارلیمانی اسپیکر کانفرنس پاکستان ءِ پارلیمانی راجدپتر ءِ تہ ءَ مزنیں ءُ راجدپتری موہ اِنت، سید یوسف رضا گیلانی

اسلام آباد۔8نومبر  (اے پی پی):سینیٹ ءِ چیئرمین سید یوسف رضا گیلانی ءَ گوشت کہ امن، ایمنی ءُ دیمروئی ءِ واستہ بین پارلیمانی اسپیکر کانفرنس پاکستان ءِ پارلیمانی راجدپتر ءِ تہ ءَ مزنیں ءُ راجدپتری موہ اِنت کہ 11 ءُ 12 نومبر ءَ اسلام آباد ءَ برجم دارگ بوھگ ءَ اِنت۔ پاکستان ءِ تہ ءَ نمائندہ ھوار اَنت کہ آھانی تہ ءَ سرجمیں دگنیا ءِ دہ پارلیمنٹ آنی اسپیکر، پانزدہ ڈپٹی اسپیکر، سی ءُ ھپت پارلیمنٹ ءِ باسک ءُ جتا جتائیں میان اُستمانی ءُ دمگی گل آنی نمائندہ ھوار اَنت۔ شمبے ءِ روچ ءَ سینیٹ ءِ دیوان ءَ گوں تران کنان ءَ چیئرمین سینیٹ ءَ گوشت کہ دو پیسریگیں صدر ھم وتی ملک آنی نمائندگی کنگ ءِ واستہ بھر زوری کن اَنت، اے پارلیمانی سفارتکاری ءِ تہ ءَ پاکستان ءِ گیش بوھوکیں میاں اوستمانی کرد ءُ سروکی ءِ گواہ اِنت۔ آئی ءَ گوشت کہ سینیٹ ءِ چیئرمین سید یوسف رضا گیلانی ءَ گوشت کہ شرپداریں مہمان آناں میزبانی کنگ نہ ایوک ءَ سینیٹ ءِ سوبمندی اِنت بلکینگ ءَ یک راجی شرپ ءِ ھم اِنت کہ ایشی ءَ چہ پاکستان ءِ شرپ ءُ شرپ ءَ را جھان ءِ پڑ ءَ بُرز کنت۔ آئی ءَ گوشت کہ اے کانفرنس پاکستان ءِ واستہ یک نادریں موہ ءِ پجاری کنت کہ آ وتی پارلیمانی سفارتکاری، امن، ایمنی ءُ دیمروئی ءِ وژن ءَ را دگنیا ءِ دیم ءَ پیش بہ کنت۔ آئی ءَ گوشت کہ وھدے ما جنوب ءُ شمال ءَ چہ وتی مہمان آناں وش اتک کن ایں گڈا ما ایوک ءَ یک کانفرنس ءِ بھر زوروک نہ بئیں بلکیں وتی راج ءِ امن، برداشت ءُ کمک ءِ جذبہ ءِ سفیر بئیں۔ چیئرمین سینیٹ ءَ صدر آصف علی زرداری، مزن وزیر محمد شہباز شریف، راجی اسمبلی ءِ اسپیکر سردار ایاز صادق ءُ نائب مزن وزیر ءُ درئی کارانی وزیر سینیٹر اسحاق ڈار ءِ ھاسیں منت واری ءِ درشانی کت ءُ آھانی کمک ءَ را ساڑات۔ آئی ءَ کانفرنس ءِ پردہ چست کنگ ءِ دیوان ءِ سروکی کنگ ءُ آئی ءِ برجاھیں کمک ءِ سر ءَ سینیٹر اسحاق ڈار ءَ را شگر ءُ منت گپت۔ آئی ءَ راجی اسمبلی ءِ صدر ءِ کرد ءَ را ھم ساڑاتگ ءُ گوشت کہ ملک ءِ سروکی ءِ وت مہ وتی کمک راجی یکوئی ءُ یکوئی ءِ جوانیں مثال اِنت۔ چیئرمین سینیٹ ءَ گیش گوشت کہ اے راجدپتری مراگش ءِ تیاری ءِ تہ ءَ وزارت تہی کار، وزارت ءِ درئی کار، وزارت ءِ ھال ءُ اھوال ءُ سرمایہ ءِ دیمروئی اتھارٹی ءِ کرد ستا کرز اِیت، چیاکہ آھاں شپ ءُ روچ وتی محنت ءَ گوں اے راجی مول ءُ مراد ءِ سر ءَ عمل کنگ ءِ تہ ءَ سرجمیں کرد پیلو کتگ۔ سید یوسف رضا گیلانی ءَ گوشت کہ اے درستیں محکمہ ھما جزبگ ءَ گوں کار کنگ ءَ انت راجی یکوئی ءُکمک ءِ یک رژنائیں نشان انت۔ آئی ءَ سینیٹر آناں زور پر دات کہ آ اے کانفرنس ءَ را وتی اجتماعی ذمہ واری لیک اَنت ءُ سرجمیں رنگ ءَ میزبان ءِ کرد ءَ پیلو بہ کن اَنت تانکہ میاں اوستمانی براتی ءِ دیم ءَ پاکستان ءِ جوانیں امیج پدر بہ بیت۔ آئی ءَ گوشت کہ اے منصوبگ ایوک ءَ سینیٹ سیکرٹریٹ ءِ نہ اِنت بلکینگ ءَ مئے درست آنی اِنت۔ پارلیمنٹ ءِ ہر باسک ایشی ءِ بہر بہ بیت دانکہ ما ایشی ءَ سوبمندیں ءُ راجدپتری مراگش جوڑ بہ کنیں۔ سینیٹ ءِ چیئرمین سید یوسف رضا گیلانی ءَ اے امیت سہرا کت کہ اے انٹر پارلیمانی اسپیکر کانفرنس پاکستان ءِ واستہ امیت، امن ءُ کمک ءِ کلوہ ءِ جوڑ بیت ءُ جھان ءِ تک ءَ ملک ءِ پارلیمانی کرد ءَ را گیش مھکم کنت۔ مارا درستاں یکجائی ءَ کار کنگی اِنت کہ اے یک یاتگاریں مراگشے جوڑ بہ بیت کہ پاکستان ءَ پارلیمانی سفارتکاری ءِ تہ ءَ سروک ثابت بہ کنت۔