اسلام آباد۔8نومبر (اے پی پی):جنوبی وزیرستان ءِ دمگ وانا ءَ اسپان مسیت ءِ جوڑیشت ءِ کار جولائی 2021 ءَ فرنٹیئر کور خیبر پختونخوا (جنوب) ءِ کمک ءَ کنگ بوتگ۔ مسیت ءِ مزنیں صحن ءُ زیبائیں ہال ءَ یکیں وھد ءَ پنچ ہزار ءَ چہ گیش نمازی ءِ جاہ بوت کنت وھدے کہ جنوبی وزیرستان ءِ مردماں اے زیبائیں مسیت ءِ سوگات ءِ سرا پاکستانی فوج ءُ ایف سی ءِ …
خیبر پختونخوا ءِ مہلوک ءِ واستہ پاکستانی فوج ءِ مسیت ءِ شکل ءَ شرپ مندیں سوگات
گیشتریں ھال
اسلام آباد۔8نومبر (اے پی پی):جنوبی وزیرستان ءِ دمگ وانا ءَ اسپان مسیت ءِ جوڑیشت ءِ کار جولائی 2021 ءَ فرنٹیئر کور خیبر پختونخوا (جنوب) ءِ کمک ءَ کنگ بوتگ۔ مسیت ءِ مزنیں صحن ءُ زیبائیں ہال ءَ یکیں وھد ءَ پنچ ہزار ءَ چہ گیش نمازی ءِ جاہ بوت کنت وھدے کہ جنوبی وزیرستان ءِ مردماں اے زیبائیں مسیت ءِ سوگات ءِ سرا پاکستانی فوج ءُ ایف سی ءِ منت گپتگ۔ تفصیلات ءِ ردا مسجد ءِ امام ءَ گشتگ کہ دوریں دمگاں چہ زھگ دینی ءُ سیکولر وانگ ءُ زانگ ءِ ھاتر ءَ اسپان مسجد ءَ کاینت۔ جنوبی وزیرستان ءِ الس ءَ گوشت کہ ما پاک فوج ءُ ایف سی ءِ شگر ءُ منت ءَ گِریں کہ آہاں اے وڑیں جوانیں مسیت جوڑ کتگ ۔ پاکستانی فوج ءَ پیسریگیں فاٹا ءِ تہ ءَ بازیں مسیت جوڑ ءُ نوک کتگ۔ ضلع باجور ءَ ناشرکاری ءِ سبب ءَ تباہ بوتگیں مسجد سلیمان خیل ءُ مسجد عرب ءِ بحالی ءِ کار ایف سی کے پی (شمال) ءَ سرجم کتگ۔ مسجد فاروق اعظم جامعہ ءِ جوڑ کنگ ءُ نوک کنگ ءِ کار ملاکند یونیورسٹی ءِ نودربر آنی لوٹ ءِ رد ءَ کنگ بوتگ۔ شمالی ءُ جنوبی وزیرستان ءِ میر علی، سراروگھا، لادھا ءُ مکین ءَ ھم بازیں مسیت آنی بحالی ءِ منصوبگ سرجم کنگ بوتگ اَنت۔ مسیت آنی جوڑ کنگ ءُ نوک کنگ ءَ چہ الس ءُ پاکستان ءِ سلاہ بندیں اُرد آنی نیام ءَ ھمگرنچی ءُ براتی ءَ را گیش دیمروئی داتگ۔
