وزارت زرئی امور ءِ دیوان، پورٹ قاسم ءُ کراچی بندر ءَ جہازاں اولی آؤکیں مردم ءِ بنیاد ءَ برتھ دیگ ءِ پیسلہ کنگ بیت

اسلام آباد۔8نومبر  (اے پی پی):وزارت ءِ زرئی کارانی مزن تک ءِ دیوان ءَ اے گپ ءِ سر ءَ تپاک کنگ بوتگ کہ پورٹ قاسم ءُ کراچی بندرگاہ ءَ درستیں جہاز آناں اولی رند ءَ آیوکیں مردم ءِ بنیاد ءَ سکیں رنگ ءَ برتھ دیگ بیت۔ شکر ءِ کھیپ آنی سستیں ایر کنگ ءِ سبب ءَ سکیں رش ءِ ھال آنی پد ءَ پورٹ قاسم ءَ شکر ءُ سیمنٹ ءِ ہینڈلنگ آپریشن ءَ را ہموار کنگ ءِ واستہ گامگیج بندات کنگ بوتگ۔ ادا رستگیں پریس ریلیز ءِ رد ءَ وفاقی وزیر ءِ میری ٹائم امور محمد جنید انور چوہدری ءِ سروکی ءَ مزن تک ءِ دیوان ءَ جاور ھال ءُ برآمداتی کاروائی آنی سر ءَ ھاسیں رنگ ءَ سیمنٹ ءُ کلنکر ءِ شپمنٹ ءِ سر ءَ ایشی ءِ اثر آنی سر ءَ چار ءُ تپاسی کنگ بوتگ۔ گند ءُ نند ءَ سیکرٹری میری ٹائم افیئرز سیکرٹری بحری امور سید ظفر علی شاہ، سیکرٹری کامرس جواد پال، چیئرمین پورٹ قاسم اتھارٹی ریئر ایڈمرل (ر) سید معظم الیاس، قائم مقام چیئرمین کراچی پورٹ ٹرسٹ ریئر ایڈمرل عتیق الرحمٰن، ٹریڈنگ کارپوریشن آف پاکستان (ٹی سی پی) کے چیف ایگزیکٹو آفیسر سید رفیع بشیر شاہ، ٹیکنیکل ایڈوائزر بحری امور کمانڈر (ر) محمد جواد اختر  ءُ  عارف حبیب  دیوان ءَ ھوار ات۔ دیوان ءَ گوں تران کنان ءَ جنید انور چوہدری ءَ آپریشنل کارکردگی ءَ را گیش کنگ، بندرگاہ ءِ انتظام ءَ را راجی رسد ءِ اولیت آنی گوما یکجا کنگ ءُ اسٹیک ہولڈر آنی نیام ءَ یکوئی ءَ را دل یکیمی کنگ ءِ ضلورت ءِ سر ءَ زور پر دات۔ وزیر ءَ درستیں بندرگاہ آناں ہدایت کت کہ آ وتی آپریشنل کارکردگی ءَ را گیش بہ کن اَنت تانکہ کھیپ آنی بروقت ءُ وھد ءِ سر ءَ ایر کنگ ءَ را دل یکیمی کنگ بہ بیت، ءُ اے گپ ءِ سر ءَ دلگوش گور کت کہ بندرگاہ آنی تہ ءَ رش، تاخیر، ھرچ ءُ درچ ءِ تہ ءَ گیشی ءُ سپلائی چین ءِ تہ ءَ ھرابکاری ءِ گر ءُ دار ءِ واستہ اے آپریشن آناں گہتر کنگ المی اِنت۔ دیوان ءَ را ھال دیگ بوت کہ شکر ءِ ایر کنگ بندرگاہ ءِ گنجائش ءَ چہ کمیں رفتار ءَ کنگ بوھگ ءَ اِنت۔ وزیر ءَ پورٹ قاسم اتھارٹی ءَ را ہدایت کت کہ آ یک روچے ءِ تہ ءَ 4ہزار ءَ چہ 4500ٹن ءِ کساس ءَ شکر ءِ ان لوڈنگ ءِ گنجائش ءِ رد ءَ شکر ءِ انلوڈنگ آپریشن ءَ را گہتر بہ کنت۔ دیوان ءَ مزن وزیر کارگس ءِ ہدایت آنی سر ءَ ھم چار ءُ تپاسی کنگ بوت کہ ایشی ءِ تہ ءَ گوادر بندرگاہ ءَ را ہدایت نامہ ھوار ات کہ آ کراچی ٹرمینل آنی سر ءَ بوجھ ءَ را کم کنگ ءِ واستہ شکر ءِ درآمد ءَ را 60درسد ءَ تاں کارمرد بہ کنت۔ شریکیں مردماں برتھنگ ءِ اولیت ءُ برآمداتی جہاز آنی ٹرن اراؤنڈ ءَ را متاثر کنوکیں رکاوٹ آنی گر ءُ دار ءِ واستہ گامگیج آنی سر ءَ ھم تران کت۔ دیوان ءَ اے گپ ءِ سر ءَ تپاک کنگ بوت کہ سرجمیں جہاز پورٹ قاسم ءُ کراچی بندرگاہ ءَ اولی رند ءَ اتکگیں مردم ءِ بنیاد ءَ سک باز برتھ کنگ بنت۔ ٹی سی پی ءَ را ہدایت کنگ بوتگ کہ آ وتی آپریشنل پلاننگ ءَ را گہتر بہ کنت، جہاز ءِ آیگ ءِ جوانیں ہم آہنگی ءَ را دل یکیمی بہ کنت ءُ آیوکیں وھد ءَ ہڑتال ءَ چہ بچگ ءِ ھاتر ءَ بندرگاہ ءِ واکدار آنی گوما مدام رابطہ ءَ را برجائی بہ کنت۔ دوئیں بندرگاہ ءِ واکداراں برتھنگ پالیسی ءِ نفاذ ءُ انلوڈنگ ءِ کارکردگی ءِ سرا نزیکی ءَ چہ نگرانی کنگ ءِ ذمہ واری داتگ ات ءُ غیر ضروری تاخیر ءِ وھد ءَ سزا دیگ ءِ فیصلہ کتگ ات۔ وفاقی وزیر ءَ ٹی سی پی ءُ ایندگر سرکاری درآمد کنوکاں ھوار درستیں سیادی داروکیں ادارگ آناں ہدایت کت کہ آ کارگو ءِ آیگ ءَ پیسر وتی مال برداری ءِ منصوبگ آناں وزارت سمندری کار آنی گوما ھمگرنچ بہ کن اَنت۔ آئی ءَ درستیں بھر زوروک آنی تعمیری کمک ءِ توسیپ کت ءُ اے گپ ءِ سر ءَ زور پر دات کہ بندرگاہ آنی کارکردگی ءَ را برجم دارگ ءُ اے وڑیں رسد ءِ رکاوٹ آنی پدا آیگ ءِ گر ءُ دار ءِ واستہ تپاک کتگیں گامگیج ءُ کارکردگی ءِ معیار آنی برجائی ءِ سر ءَ عمل کنگ المی اِنت۔