آئین ءِ بیست ءُ ھپتمی ترمیم ءِ ھوالگ ءَ بازیں روچاں سیاسی گلاں گوں شور ءُ سلاھ کنگ بوتگ ایشی ءَ پد وفاقی کابینہ ءَ ترمیم ءِ مسودہ منظور کتگ، وزیر کانود اعظم نظیر تارڑ

اسلام آباد۔8نومبر  (اے پی پی):وفاقی وزیر کانود اعظم نظیر تارڑ ءَ گوشت کہ آئین ءِ پیش کرتگیں 27می ترمیم ءِ ھوالگ ءَ بازیں روچ آنی واستہ سیاسی گل آنی گوما سرجمیں شور ءُ سلاہ کنگ بوتگ ایشی ءَ پد وفاقی کابینہ ءَ مرچی ترمیمی مسودہ ءِ منظوری داتگ۔ اے ھیالانی درشانی آئی ءَ سینیٹ ءِ دیوان ءَ گشتانک دیان ءَ کت۔ آئی ءَ گوشت کہ بیست ءُ ھپتمی آئینی ترمیم ءِ بل پارلیمنٹ ءَ پیش کنگ بیت ءُ ایشی ءَ را گیش گہتری ءِ واستہ یکجائی پارلیمانی کمیٹی ءَ دیم دیگ بیت تانکہ راجی اسمبلی ءُ سینیٹ ءِ باسک وتی سوج ءُ سوجاں بہ دنت۔ اعظم نظیر تارڑ ءَ گوشت کہ ترمیمی بل ءِ تہ ءَ 49 بند ھوار انت ایشانی تہ ءَ چل بند وفاقی آئینی آمید گس ءِ جوڑیشت ءَ گوں سیادی داروکیں نکات ھوار انت۔ آئی ءَ گوشت کہ گوستگیں وھد ءَ بیست ءُ ششمی آئین ءِ ترمیم ءِ وھد ءَ آئین ءِ بنچ جوڑ کنگ ءِ تجویز بوتگ پرچا کہ آمید گس آنی گیشتریں وھد آئین ءِ کیسانی سر ءَ گوازینگ بیت۔ دراجیں شور ءُ سلاھ ءَ پد وفاقی آئینی آمید گس ءِ جوڑ کنگ ءِ پیسلہ کنگ بوتگ کہ آئینی جیڈھ آنی ھوالگ ءَ کیس آناں گوشدارگ بہ بیت۔ ایشی ءَ چہ بُرزیں عدلیہ ءِ سر ءَ بار کم بیت ءُ آئینی رد ءُ بند ءِ واستہ یک ھاسیں فورم ءِ دیم ءَ کیت۔ وزیر ءِ کانود ءَ گوشت کہ جج آنی بدل کنگ ءِ ھوالگ ءَ سیادی داروکیں آمید گس آنی چیف جسٹس ءُ سپریم کورٹ ءِ چیف جسٹس ءَ گوں مشورہ کنگ بیت، وھدیکہ اے ھم پیش کنگ بوتگ کہ جج آناں گچین کنگ ءِ اختیار جوڈیشل کمیشن ءَ را سپرد کنگ بہ بیت تانکہ شفاف ءُ غیر جانبداریں نظام ءِ جوڑ کنگ بہ بیت۔ اعظم نظیر تارڑ ءَ گوشت کہ اے آئین ءِ تہ ءَ ترمیم ملک ءِ عدلیہ ءِ نظام ءَ سنگ سنگ ءِ رنگ ءَ ثابت بیت ءُ آئین ءِ بالادستی ءَ را گیش مھکم کنت۔ آئی ءَ گوشت کہ حکومت ءِ واھشت اِنت کہ پیش کرتگیں ترمیم ءِ سر ءَ سرجمیں شور ءُ سلاھ ءَ پد آئینی آمید گس ءِ جوڑ کنگ ءِ راہ پچ کنگ بہ بیت کہ آ آئین ءُ ایشی ءِ شق آناں ترجمانی بہ کنت۔ نفاذ ءِ گوں سیادی داروکیں معاملہانی تہا مستریں اتھارٹی ءِ بستار ءَ کار کنت۔