معرکہ حق ءِ سوبمندی ءُ مزن وزیر محمد شہباز شریف ءِ بے مٹیں کوشست ءَ گوں آئی ٹی ءِ مزنیں کمپنی پاکستان ءَ پیداک انت،  گوگل کروم بک ءِ جوڑ کنگ ءِ کار ملک ءَ بندات بوتگ۔ وفاقی وزیر شزا فاطمہ خواجہ ءَ گشتگ کہ ہر سال 6 لکھ کروم بک جوڑ کنگ بنت

اسلام آباد۔8نومبر  (اے پی پی):انفارمیشن ٹیکنالوجی ءِ وفاقی وزیر شزہ  فاطمہ خواجہ ءَ گوشت کہ معرکہ حق ءِ سوبمندی ءُ مزن وزیر محمد شہباز شریف ءِ بے مٹیں کوشست آنی گوما دگنیا ءِ مزنیں آئی ٹی کمپنی پاکستان ءَ آھگ ءَ انت۔ گوگل کروم بک ءِ جوڑ کنگ ءِ کار ملک ءَ بندات بوتگ کہ اودا ہر سال 600 ہزار کروم بک جوڑ کنگ بیت۔ گوگل ءِ پاکستان ءَ آیگ مزنیں ھال اِنت۔ آئی ءَ اے ھیالانی درشانی شمبے ءِ روچ ءَ ادا نیوز کانفرنس ءَ گوں تران کنان ءَ کت۔ آئی ءَ گوشت کہ مزن وزیر محمد شہباز شریف ءِ ہدایت ءِ رد ءَ لہتیں وھد ءَ دگنیا ءِ مزنیں کمپنی آنی گوما گپ ءُ تران ءِ پیشرفت ءِ بابت ءَ سرپدی دیگ ءِ ارادہ بوتگ۔ اے درگت ءَ وشیں ھال ھم ھست کہ گوگل ءَ پاکستان ءَ آیگ ءِ جار جتگ۔ آئی ءَ وتی رجسٹریشن سرجم کتگ ءُ زوت وتی کارگس ءَ پچ کنت۔ پاکستان ءَ گوگل کروم بک ءِ جوڑ کنگ بندات کنگ بیت اے کار ہری پور ءَ ھم کنگ بوتگ۔ آئی ءَ گوشت کہ ایشی ءِ بندات وزارت دفاع ءُ ٹیک ویلی کمپنی ءِ گوما نجی شریکداری ءَ چہ بوتگ۔ پاکستان ءَ ہر سال 5لکھ ءَ چہ 6لکھ کروم بک جوڑ کنگ بیت کہ ایشی ءَ چہ نہ ایوک ءَ وانگ ءُ زانگ ءِ پڑ ءِ واستہ ارزانیں ءُ جوانیں ڈیوائس دستیاب بنت بلکیں ورنا آناں روزگار ءِ موہ ھم رس ایت۔ آئی ءَ گوشت کہ ما ہری پور ءِ تر ءُ تاب کت اودا اے گندگ ءَ وش بوت کہ اودا 600ورنا کار کنگ ءَ انت۔ ما اے کروم بکاں چہ ادا برآمد کنگ ءِ جہد ءَ کنیں۔ اے گپ ھم وش ات کہ ادا جنکاں ھوار مزنیں کساسے ءَ انجینئر ھم کار کنگ ءَ انت۔ آئی ءَ گوشت کہ وزارت ءَ گوگل ءِ گوما یک معاہدے ءِ سر ءَ دستخط کتگ کہ آ کسان سالیں زھگ آناں اے آئی ٹریننگ ءَ دئینت ءُ پاکستان ءَ گوگل لیب جوڑ کن اَنت۔ وفاقی وزیر ءَ گوشت کہ آ سیکنڈری اسکول آنی تہ ءَ اے آئی ءِ وانگ ءُ زانگ ءَ را دل یکیمی کنگ ءَ اَنت، ایشی ءِ واستہ صوبائی وانگ ءُ زانگ ءِ وزارت ءَ ھم وزارت وانگ ءُ زانگ ءِ گوما کمک کتگ۔ اے آئی ءِ وانگ ءَ را اولی رنگ دیگ ءِ بابت ءَ بلوچستان ءُ کے پی کے ءِ گوما ھم گپ ءُ تران بوھگ ءَ اِنت ۔ آئی ءَ گوشت کہ میٹا ٹیم ءَ ھم Visited کتگ، تربیت داتگ، میٹا لاما پلیٹ فارم اردو ءَ بندات کنگ بوتگ، نوں اے آئی ءِ آسراتی راجی زبان ءَ ھم دست کپ ایت، آھاں گوں گپ ءُ تران کنگ ءُ مئے زھگ آنی سوبمندی ءَ آھاں اے سما داتگ کہ مئے زھگ سک توانمند اَنت۔ آئی ءَ گوشت کہ ٹک ٹوک ءِ سٹمپ فیڈ پاکستان ءَ بنگیج کنگ بوتگ کہ دگنیا ءِ بازیں ملک آنی تہ ءَ نیست، ایشی ءِ وسیلگ ءَ ٹک ٹاک ءِ جوانیں کارمرد ءِ وسیلگ ءَ وانگ ءُ زانگ ءِ آسراتی دست کپگ بوت کنت۔ انصاف ءِ جنگ ءَ آرمی چیف فیلڈ مارشل جنرل عاصم منیر ءِ سروکی ءَ جنگ ءَ سوبین بوھگ ءُ سائبر سوبمندی ءِ آسر ءَ سعودی عرب ءِ گوما یک تپاکی یے بوتگ کہ اے مزنیں سوبمندی یے ۔ ایشی ءِ آسر ءَ گو ٹیلی کام ءَ پاکستان ءَ وتی اے آئی ہب ھم پچ کتگ، ایشی ءِ چیر دستی ءَ سعودی ءُ پاکستانی کمپنی آناں مارکیٹ آنی تہ ءَ براہ راست رسائی رس ایت، آ ادا وتی کارگس ءَ پچ کنگ ءَ اَنت، ایشی ءَ چہ روزگار ءِ موہ پیداک بنت۔ آئی ءَ گوشت کہ مزن وزیر محمد شہباز شریف ءِ بے مٹیں کوشست ءُ ایس آئی ایف سی ءِ کوشست ءَ چہ رکاوٹ گیش ءُ گیوار بوتگ انت، ایشاں چہ جوانیں نتیجگ دیم ءَ آیگ ءَ انت، دگنیا ءِ مزنیں کمپنی پاکستان ءَ آھگ ءَ انت۔