بین پارلیمانی اسپیکر کانفرنس ءَ بہر زورگ ءِ ھاتر ءَ ڈل ءِ آیگ برجاہ اِنت، روانڈا ءِ کمکی کارندہ ھم اسلام آباد ءَ سر بوتگ

اسلام آباد۔8نومبر  (اے پی پی):پارلیمانی بین الاقوامی اسپیکر کانفرنس ءَ بہر زورگ ءِ واستہ جتا جتائیں ملک آنی ڈل آنی اسلام آباد ءَ سر بوھگ ءِ سلسلہ برجاہ اِنت۔ روانڈا ءِ پارلیمانی اسٹاف ڈل ءِ سپورٹ اسٹاف ھم شمبے ءِ روچ ءَ اسلام آباد ءَ سر بوتگ اَنت۔ سینیٹ سیکرٹریٹ ءِ نیمگ ءَ چہ جاڑی بوتگیں بیان ءِ رد ءَ سینیٹ ءِ مزنیں افسراں روانڈا ءِ کمکی کارندہ آناں گوں گرمیں رنگ ءَ وش آتک کتگ۔ بین پارلیمانی اسپیکر کانفرنس ءِ برجم دارگ چیئرمین سینیٹ سید یوسف رضا گیلانی ءِ وژنری سروکی ءِ درشان ءُ پارلیمانی سفارتکاری ءِ دیمروئی ءِ واستہ آئی ءِ عزم ءِ درشان اِنت۔ اے کانفرنس 12 ءَ بگر داں 14 نومبر ءَ اسلام آباد ءَ برجم دارگ بیت، ایشی ءِ تہ ءَ جتائیں ملک آنی اسپیکر ءُ پارلیمانی ڈل بھر زور اَنت۔