وفاقی کابینہ ءِ دیوان، بیست ءُ ھپتمی آئینی ترمیم ءِ مسودہ ءِ منظوری، کابینہ ءِ باسک ءُ اتحادی گل آں کمک ءِ شگر ءُ منت گپت، مزن وزیر محمد شہباز شریف

اسلام آباد۔8نومبر  (اے پی پی):مزن وزیر محمد شہباز شریف ءِ سروکی ءَ وفاقی کابینہ ءِ دیوان برجم دارگ بوت ایشی ءِ تہ ءَ 27می آئین ترمیم ءِ مسودہ ءِ منظوری دیگ بوت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ باکو ءَ چہ ویڈیو لنک ءِ وسیلگ ءَ کابینہ دیوان ءِ سروکی کتگ ایشی ءِ تہ ءَ وفاقی کابینہ ءَ 27می آئین ترمیم ءِ مسودہ ءِ منظوری داتگ ءُ آئی ءَ را گہتری ءَ گوں وش آتک کتگ۔ مزن وزیر محمد شہباز شریف ءَ گند ءُ نند ءَ کابینہ ءِ باسک آناں وش اتک کت ءُ اتحادی گل آنی ھم شگر ءُ منت گپت۔ کابینہ ءِ منظوری ءَ پد وزیر ءِ کانود ءُ انصاف ءَ میڈیا ءَ را ترمیم ءِ ھاسیں لیکہ آنی بابت ءَ سرپدی دات ءُ کابینہ ءِ منظوری ءَ پد ترمیم ءِ مسودہ پارلیمنٹ ءَ پیش کنگ بیت۔ مزن وزیر محمد شہباز شریف ءَ گوشت کہ فیڈریشن ءِ صوبگ آنی گوما سیادی ھرکس ءَ مھکم ءُ ملک ءِ گیشیں مفاد آنی واستہ بیست ءُ ھپتمی آئین ءِ ترمیم ءِ واستہ یکجائی ءَ کار کتگ، ایشی ءِ واستہ وزارت کانود ءُانصاف، اٹارنی جنرل ءُ آھانی ٹیم ستا کرز انت۔ آئی ءَ گوشت کہ آئی ءَ 27می آئینی ترمیم ءِ سر ءَ وتی سروک میان محمد نواز شریف ءَ را اعتماد ءِ تہ ءَ زرتگ ءُ ایشی ءِ سر ءَ آئی ءِ رہشونی لوٹ اتگ، ایشی ءِ واستہ آ سک باز منت وار آں ۔ مزن وزیر محمد شہباز شریف ءَ گوشت کہ آئی ءَ ترمیم ءِ ھوالگ ءَ صدر آصف علی زرداری ءَ را ھم اعتماد ءَ زرتگ ءُ آئی ءِ رضامندی ءِ سر ءَ آئی ءِ سک باز منت وار آں ۔ آئی ءَ چہ درستیں اتحادی پارٹی آنی سروک ھاسیں رنگ ءَ بلاول بھٹو زرداری، ڈاکٹر خالد مقبول صدیقی، عبدالعلیم خان، خالد حسین مگسی ءُ چوہدری سالک حسین ءِ منت وار اِنت کہ آئی ءَ گوں آھاں وتی پارٹی آنی ڈل آنی ھمراھی ءَ ذاتی رنگ ءَ شور ءُ سلاھ کتگ ءُ آھاں مسودہ ءِ سرجمیں حمایت کتگ۔ مزن وزیر محمد شہباز شریف ءَ گوشت کہ آئین ءِ تہ ءَ ترمیم ءِ ھوالگ ءَ ایمل ولی خان، اجاز الحق ءُ ایندگر سیاسی سروک آں گوں ھم شور ءُ سلاھ کتگ ءُ آھاں دلپدردی ءَ زرتگ۔ اللہ ءِ فضل ءَ ملک ءِ تہا سیاسی ءُ معاشی برحامی ءِ سبب ءَ ملک ءِ جہت راست کنگ بوتگ۔ ہر کس پہ ملک ءِ دیمروئی ءُ وشھالی ءَ یکجاہ کار بہ کنت۔