ایس ایم ایز ءِ دیمروئی ءَ چہ ورناہاں نوکیں روزگار ءِ موہ پیداک بنت، ہارون اختر خان

لاہور۔7نومبر  (اے پی پی): مزن وزیر ءِ صنعت ءُ کامرس ءِ ھاسیں کمکار ہارون اختر خان ءَ گوشت کہ ایس ایم ایز ءِ دیمروئی ءَ چہ نا ایوک ءَ معیشت مھکم بیت بلکینگ ءَ ورنا آنی واستہ روزگار ءِ نوکیں موہ ھم پیداک بنت۔ اے ھیالانی درشانی آئی ءَ گوستگیں روچ ءَ خیبر پختونخوا ءِ ایس ایم ایز کلسٹر آنی نمائندگ آنی گوما گند ءُ نند ءِ ساھت ءَ کت۔ گند ءُ نند ءَ قائم مقام سروک بانُک نادیہ، ایڈیشنل سیکرٹری ءُ ڈائریکٹر جنرل ءِ ھاسیں کمکار ءُ ایندگر افسر ھم ھوار اتنت۔ ہارون اختر خان ءَ مزن وزیر محمد شہباز شریف ءِ مائیکرو، کسانیں ءُ میاں اوستمانی کاروباری ادارگ آنی واستہ وژن ءِ سر ءَ زور پر دیان ءَ گوشت کہ مزن وزیر کسانیں کاروبار آناں روزگار ءُ برآمدات ءِ دیمروئی ءِ قدرتی وسیلگ لیک ایت۔ آئی ءَ گوشت کہ حکومت ءِ مول ءُ مراد ایس ایم ایز ءَ را نوکیں ٹیکنالوجی ءِ گوما یکجا کنگ اِنت تانکہ آ دمگی ءُ جھان ءِ تک ءَ جوانیں رنگ ءَ مقابلہ کت کن اَنت۔ آئی ءَ گوشت کہ مزن وزیر زالبول آنی کاروباری ءُ مہارت آنی وسیلگ ءَ اقتصادی دیمروئی ءَ را دیم ءَ برگ ءِ واستہ جزم اِنت، چیاکہ زالبول آنی بااختیار کنگ ایوک ءَ زالبول آنی کاروباری ءِ دیمروئی ءِ وسیلگ ءَ ممکن اِنت۔ ہارون اختر خان ءَ گوشت کہ کجام ملک ءِ کسان ءُ حاشیہ ءِ کاروبار مھکم مہ بنت کجام ھم ملک وتی معیشت ءَ را دیمروئی دات نہ کنت۔ آئی ءَ گوشت کہ حکومت ایس ایم ای آناں بینک آنی وسیلگ ءَ آسراتی پجارین ایت، وھدیکہ سرجمیں ملک ءَ چہ ماہر کنسلٹنٹ آنی ازمت لوٹگ بوھگ ءَ انت تانکہ ایس ایم ای شوبگ نوکیں لیکہ آنی سر ءَ کار بہ کنت۔ اے موہ ءِ سر ءَ سامڈسا ءِ نیمگ ءَ موبائلنک ءِ گوما یک مفاہمت نامہ ءِ سر ءَ دستخط کنگ بوت کہ ایشی ءِ چیر دستی ءَ نوں اسمارٹ فونز ءِ وسیلگ ءَ بینک رجسٹریشن ممکن بیت۔ ہارون اختر خان ءَ گوشت کہ پاکستان ڈی 8 ءِ ملک آنی تہ ءَ ایس ایم ای کمک ءِ تہ ءَ سروکیں کرد ءَ پیلو کنگ ءَ انت۔ آئی ءَ گوشت کہ سامڈرا پروڈکٹ ءِ ڈیزائن ءُ دیمروئی ءِ واستہ ٹیکنیکل کمک، ٹیکنالوجی ءِ اپ گریڈیشن ءُ انجینئر ءُ ڈیزائنر پجاری کنت۔ ایس ایم ای ءِ نمائندگ آں وزارت صنعت ءُ پیداوار ءِ کوشست آں ساڑات ءُ مزن وزیر محمد شہباز شریف ءُ ہارون اختر خان ءِ شگر ءُ منت گپت۔ نمائندگاں گوشت کہ خیبر پختونخوا ءِ فرنیچر ءِ شوبگ ءَ را سرکاری کمک ءِ ضلورت اِنت وھدیکہ شہد ءِ شوبگ ءَ برآمدات ءِ واستہ بے دروریں موہ است اَنت۔ ہارون اختر خان ءَ گیش گوشت کہ سمدرا شہد ءِ کاروبار ءُ پیکیجنگ ءِ دیمروئی ءِ واستہ آسراتی دنت۔ آئی ءَ گوشت کہ اسلامی بینکنگ، فنڈز ءُ فنانسنگ ءِ پجاری ءَ چہ ایس ایم ایز ءِ دیمروئی ءَ را آسراتی دیگ بیت۔ آئی ءَ گیش گوشت کہ چیلنج آنی باوجود خیبر پختونخوا ءِ ایس ایم ایز جوانیں کارکردگی پیش دارگ ءَ اَنت ءُ صوبگ ءَ صنعتی پارک جوڑ کنگ ءِ واستہ صوبائی حکومت ءَ گوں رابطہ کنگ بیت۔