اسپیکر قومی اسمبلی سردار ایاز صادق نا ملک انا چندی بشخ آتیٹی نوکاپ نا بھسکاری تیا است ہسونی نا درشان

اسلام آباد۔ 03 ستمبر (اے پی پی) اسپیکر قومی اسمبلی سردار ایاز صادق ملک انا چندی بشخ آتیٹی نوکاپ نا بھسکاری تیا است ہسونی نا درشانی ءِ کرسا زہمی خاہوت آتون ہمدردی نا درشانی ءِ کرینے۔ چارشنبے نادے آ تینا اسہ بیان اسے ٹی او زہمی علاقہ غاتیٹی ریسکیو اینڈ ریلیف آپریشن آ است جمی نا درشانی ءِ کرے و پاک فوج، بنجائی و صوبائی ادارہ غاتے زہمی تا دمدستی کمک فراوان کننگ آ خراج تحسین پیش کرے ۔ اوپارے کہ مشکل وخت اٹی نوکاپ آن زہمی تے تنیا اِلیپنہ۔ وزیراعلیٰ پنجاب مریم نواز نا زہمی علاقہ غاتا دورہ کمکی کارندہ غاتے کن است بڈی نا سوب ءِ۔ وزیراعلیٰ پنجاب نا زہمی علاقہ غاتیٹی ساڑی گری زہمی تا دلجوئی نا سوب ءِ۔ اوپارے کہ وزیراعلیٰ پنجاب نا نوکاپ آن زہمی علاقہ غاتیٹی کاریم نا مانیٹرنگ نا حکمت عملی ستاکڑزک۔ وزیراعلیٰ پنجاب مچ آحالیت آتا تینٹ مانیٹرنگ ءِ کننگ ءِ و زہمی تسکان امداد نا فراوانی ءِ ہم پک کننگ انگ ءِ۔ دریائے راوی آن زہمی علاقہ غاتا دورہ ءِ کیوہ و زہمی تتون اوڑدہی کیوہ ۔ نوکاپ آن زہمی علاقہ غاتیٹی ریسکیو اینڈ ریلیف آپریشن بنجائی و صوبائی حکومت آتا اولیت ءِ۔ نوکاپ آن زہمی تا بحالی اسہ قومی ءُ فرض اسے ہرادے پورو کینہ۔ پاکستان اٹی نوکاپ نا بھسکاری تیکن جہانی برادری ءِ ہم تینا کڑد ءِ ادا کروئی مریک۔ پنجاب نا نوکاپ آن زہمی علاقہ غاتیٹی ریلیف آپریشن نا وزیراعلیٰ پنجاب تینٹ چاروکی ءِ کننگ ءِ۔ ہرافک نوکاپ نا سوب آن شہید مسر اوفتا درجہ غاتا بڑزی کن دعا کیوہ۔ آخبت اٹ نوکاپ آن بچنگ کن بنجاوصوبہ غاتے اواری اٹ امنائی لائحہ عمل اس تینا کروئی مریک۔ اودعاکرے کہ اللہ تعالیٰ سندھ ءِ نوکاپ نا بھسکاری تیان رکھے۔