مزن وزیر شہباز شریف ءُ تاجکستان ءِ صدر امام علی رحمون ءَ گند ءُ نند کتگ، بیپار، سرمایہ کاری، توانائی، دمگی ایمنی، دود ءُ ربیدگ ءَ ھوار جتا جتائیں پڑاں کمک ءِ دیمروئی ءِ سر ءَ تپاک

بیجنگ ۔2ستمبر  (اے پی پی):مزن وزیر محمد شہباز شریف ءُ تاجکستان ءِ صدر امام علی رحمن ءِ نیام ءَ تجارت، سرمایہ کاری، توانائی، دمگی ایمنی، دود ءُ ربیدگ، رابطہ ءُ مردم آنی نیام ءَ تبادلہ ءِ پڑ ءَ کمک ءِ دیمروئی ءِ سر ءَ تپاک کنگ بوتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ چین ءِ بنجاھی شھر بیجنگ ءَ تاجکستان ءِ صدر امام علی رحمون ءَ گوں گند ءُ نند کتگ۔ دوئیں بامرد آں پاکستان ءُ تاجکستان ءِ نیام ءَ وت مہ وتی سیت ءِ توامیں شوبگ آنی تہ ءَ برجاھیں کمک ءِ سر ءَ دل یکیمی ءِ درشان کت ءُ تپاکی ءُ سرمایہ کاری، کنیکٹوٹی، توانائی، دمگی ایمنی، دود ءُ ربیدگ ءُ مردم آنی نیام ءَ مھلوک ءِ تبادلہ ءَ ھوار جتا جتائیں شوبگ آنی تہ ءَ کمک ءَ را گیش کنگ ءِ سر ءَ تپاک کت۔ دوئیں رہشوناں براتیں اسلامی ملک پاکستان ءُ تاجکستان ءِ نیام ءَ سیادی ءَ را گیش مھکم کنگ ءِ وتی عزم ءِ پدرائی کت کہ آ یکجائی دود ءُ ربیدگی، راجدپتری ءُ مذہبی سیادی ءِ بندوک اَنت ءُ ھمے رنگ ءَ یکجائی ارزشت ءِ دمگی ءُ جھان ءِ جیڈھ آنی سر ءَ ھم گپ ءُ تران کت۔