وزیراعظم شہباز شریف و تاجک صدر امام علی رحمان نا اوڑدہی، واپار، زرکاری، توانائی، علاقائی سلامتی، دودوربیدہ تون اوار چندی بشخ آتیٹی کمکاری ءِ مون آ دننگ آ امنا

بیجنگ۔ 02 ستمبر (اے پی پی) وزیراعظم محمد شہباز شریف و تاجکستان نا صدر امام علی رحمان واپار، زرکاری، توانائی، علاقائی سلامتی، دودوربیدہ، رابطہ و الس نا کہول آ کمکاری ءِ مون آ دننگ آ امنا کرینو ۔ سے شنبے نادے آ وزیراعظم آفس نا میڈیانا ونگ آن جاری بیان نا رداٹ وزیراعظم محمد شہباز شریف تاجکستان نا صدر امام علی رحمان تون چین انا دارالحکومت بیجنگ اٹی اوڑدہی کرے۔ ہڑتوم آ راہشونک پاکستان و تاجکستان نا نیام اٹ تین پہ تینی است خواہی نا غٹ بشخ آتیٹی برجاکمکاری آ است جمی نا درشانی ءِ کریر و واپار وزرکاری، رابطہ ، توانائی، علاقائی سلامتی، دودوربیدہ و الس نا کہول آ ہن وبرتون اوار چندی بشخ آتیٹی کمکاری ءِ ودفنگ آ امنا کریر۔ ہڑتوم آ راہشونک اسیجائی دودوربیدہ ئی، تاریخی و مذہبی رشتہ غاتیٹی گنڈوک ایلم اسلامی ملک  پاکستان و تاجکستان نا نیام اٹ تعلقداری تے پین سوگو کننگ نا عزم انا درشانی ءِ کریر و اسیجائی اہمیت نا علاقائی و جہانی ویل آتیا ہم گپ وتران کریر۔