اسلام آباد۔ 02 ستمبر (اے پی پی) چیئرمین سینیٹ سید یوسف رضاگیلانی مسکوہی چیئرمین سینیٹ محمد صادق سنجرانی نا باوہ محمد آصف سنجرانی نا کزیت آ ڈکھیائی و غم انا درشانی ءِ کرینے۔ سے شنبے نادے آ چیئرمین سینیٹ تینا ہڑزخواہی کلہواٹی پارے کہ ایماندار اسہ باوقار و متبر ءُ شخصیت اس ئس ہرا تینا زند ءِ خذمت، دیانت و جوان اخلاق اٹ گدریفے۔ اوپارے کہ محمد آصف سنجرانی …
چیئرمین سینیٹ سید یوسف رضاگیلانی نا مسکوہی چیئرمین سینیٹ محمد صادق سنجرانی نا باوہ نا کزیت آ ڈکھیائی و غم انا درشان
اسلام آباد۔ 02 ستمبر (اے پی پی) چیئرمین سینیٹ سید یوسف رضاگیلانی مسکوہی چیئرمین سینیٹ محمد صادق سنجرانی نا باوہ محمد آصف سنجرانی نا کزیت آ ڈکھیائی و غم انا درشانی ءِ کرینے۔ سے شنبے نادے آ چیئرمین سینیٹ تینا ہڑزخواہی کلہواٹی پارے کہ ایماندار اسہ باوقار و متبر ءُ شخصیت اس ئس ہرا تینا زند ءِ خذمت، دیانت و جوان اخلاق اٹ گدریفے۔ اوپارے کہ محمد آصف سنجرانی نا کزیت نئے بیرہ اونا خاہوت بلکن مچ آ ڈیہہ اکن اسہ بھلو نسخان اسے۔ چیئرمین سینیٹ دعاکرے کہ اللہ تعالیٰ ایماندار ءِ جنت اٹ بڑزکو ہند اس عطاکے و خاہوت ءِ دا صدمہ ءِ سگنگ کن صبر وجمیل عطاکے۔ اومسکوہی چیئرمین سینیٹ صادق سنجرانی و اونا خاہوت تون ہڑزخواہی کرسا پارے کہ سینیٹ غم انا داساہت اٹی پدسلوک خاہوت آتون تفوک اُن۔ ڈپٹی چیئرمین سینیٹ سیدال خان و قائد ایوان سینیٹ اسحاق ڈار ہم ہڑزخواہی کلہو آتیٹی محمد آصف سنجرانی نا کزیت آ ڈکھیائی نا درشانی ءِ کرساپارے کہ ایماندار نا خذمت، مہرومریبت و خلوص ءِ مدام یات تخنگک۔ اوایماندار نا درجہ غاتا بڑزی وخاہوت کن صبر وہمت نا دعاہم کرے۔
