اسلام آباد۔ 02ستمبر(اے پی پی) اسپیکر قومی اسمبلی سردار ایاز صادق تون پی ایس ایل فرنچائز لاہور قلندرز نا سی ای او عاطف رانا سے شنبے نادے پارلیمنٹ ہاؤس اٹی اوڑدہی کرے۔ داوخت آ گپ وتران کرسا اسپیکر قومی اسمبلی سردار ایاز صادق ورناتے گوازی تیٹی اوارکننگ نا گام گیج آتا ستاءِ کرے و پارے کہ ورناتا جا ن جوڑ سرجزآک ملک انا روشنا آخبت نا ضمانت ءُ۔ پاکستان …
اسپیکر قومی اسمبلی سردار ایاز صادق تون سی ای او لاہور قلندر ز عاطف رانا نا اوڑدہی
اسلام آباد۔ 02ستمبر(اے پی پی) اسپیکر قومی اسمبلی سردار ایاز صادق تون پی ایس ایل فرنچائز لاہور قلندرز نا سی ای او عاطف رانا سے شنبے نادے پارلیمنٹ ہاؤس اٹی اوڑدہی کرے۔ داوخت آ گپ وتران کرسا اسپیکر قومی اسمبلی سردار ایاز صادق ورناتے گوازی تیٹی اوارکننگ نا گام گیج آتا ستاءِ کرے و پارے کہ ورناتا جا ن جوڑ سرجزآک ملک انا روشنا آخبت نا ضمانت ءُ۔ پاکستان نا ورناتیٹی ٹیلنٹ نا کمتی اف ۔ اسپیکر قومی اسمبلی سردار ایاز صادق لاہور قلندرز نا کنڈآن زالبول آتے گوازی تیٹی بریبروارخواہی فراوان کننگ نا ستاءِ کرے۔ عاطف رانا پارے کہ لاہور قلندرز نا پلیئر ڈویلپمنٹ پروگرام نا رداٹ اسہ لکھ آن زیات ورناتے تربیت تننگا ۔ بلوچستان و خیبرپختونخوا نا ورناتا گوازی تیٹی اوار مننگ اولیت ءِ۔ زالبول کرکٹ پلیئرز نا ٹیلنٹ ہنٹ پروگرام 25 آن زیات شارتیٹی اڈتننگا۔ لاہور قلندرز نا مسخت لس بندغ ءِ گوازی و تفریح نا وارخواہی فراوان کننگ ءِ۔
