وزیراعظم محمد شہباز شریف نا کل جماعتی حریت کانفرنس نا بانی راہشون سید علی گیلانی نا کزیہ دے آ اودے خراج عقیدت

اسلام آباد۔ 01 ستمبر (اے پی پی) وزیراعظم محمد شہباز شریف کل جماعتی حریت کانفرنس نا بانی راہشون سید علی گیلانی ءِ خراج عقیدت پیش کرساپارینے کہ پاکستان تون اونا بے مٹ مہرومریبت پاکستانی تیکن گمر نا سوب و کشمیری تتون ننا روحانی و دلی تعلق نا نشانی ءِ، سید علی گیلانی تینا زند ءِ کشمیر نا آجوئی نا جہد کن وقف کرے و جہد آجوئی ٹی اہم کڑد اداکرے، اونا زند کشمیری تیکن ظالمانہ تسلط نا برخلاف مزاحمت نا مدامی نشانی ءِ ۔ پی ایم آفس نا میڈیا ونگ آن جاری بیان نا رداٹ دوشنبے نادے آسید علی گیلانی نا چارمی کزیہ دے آ تینا کلہو اٹی وزیراعظم پارے کہ اینونادے اٹی پاکستانی قوم و حکومت نا کنڈآن سید علی گیلانی نا کشمیر کن بے مٹ جہد ءِ خراج عقیدت پیش کیوہ، سید علی گیلانی تینا سیاسی بصیرت و مدبرانہ کماشی اٹ کشمیر وکشمیری تا توار ءِ تاریخ اٹی زندہ تخا تانکہ اونا توار دنیا نا یوان تسکان سرمننگ کے۔ اوپارے کہ سید علی گیلانی نا پاکستان تون بے مٹ مہرومریبت پاکستانی تیکن گمر نا سوب و کشمیری تتون ننا روحانی و دلی تعلق نا نشانی ءِ۔ اونا پاننگ ئس کہ سید علی گیلانی تینا زند ءِ کشمیر نا آجوئی نا جہد کن وقف کرے و جہد آجوئی ٹی اہم کڑد ادا کرے، اونا زند کشمیری تیکن ظالمانہ تسلط نا برخلاف مزاحمت نا مدامی نشانی ءِ۔ اوپارے کہ سید علی گیلانی نا سیاسی تعلیمات کشمیری تا چین تیکن حق خودارادیت آن آگاہی و جہد نا میرات ءُ، ’’نن پاکستانی اُن، پاکستان ننا ءِ‘‘، سید علی گیلانی نا دا نعرہ اینو ہم کشمیری تا زبان آ پبی وڑاٹ برجا و جابر نا است و دماغ آ طاری ءِ۔