پاک فوج ءَ سیلاب ءِ آماچیں مردمانی کمک ءِ واستہ ریسکیو ءُ ریلیف آپریشن برجاہ اِنت، سداں مردم ءُ سامان ایمنیں جاھاں  شفٹ  کنگ بوتگ اَنت

اسلام آباد۔1ستمبر  (اے پی پی): پاک فوج ءَ سیلاب ءِ آماچیں مردمانی کمک ءِ واستہ ریسکیو ءُ ریلیف آپریشن ءِ وھد ءَ سداں مردم ءُ سامان ایمنیں جاھاں شفٹ کتگ انت ۔ پارڈ ءِ نیمگ ءَ شنگ بوتگیں ھالانی رد ءَ پاکستانی اُرد ءُ سول انتظامیہ ءِ ریسکیو ءُ ریلیف آپریشن عطاری، ھُد سلملنکا، رینالا کھرد، جندراکا، اوکارا ءُ ساھونل ءَ جاری اِنت۔ سیلابی آپ ءِ سبب ءَ بازیں دمگ ءِ زمینی رابطہ تک بوتگ۔ پاک فوج ءَ لانچانی وسیلگ ءَ چہ رکینتگ ۔ پاک فوج ءُ سول انتظامیہ ءَ سیلاب ءِ آماچیں مردمانی واستہ کمکی کیمپ جوڑ کتگ انت ءُ آماچیں مردمانی واستہ پوشاک، درمان ءُ راشن کمک کنگ ءَ انت۔ فوج ءَ سیلاب ءِ آماچیں مردمانی واستہ مفت طبی کیمپ ھم جوڑ کتگ انت ایشی ءَ ابید سینئر شہری، زالبول ءُ زھگاں ھوار درجناں مردماں ایمنیں جاھاں شنگ کتگ۔ زدگیں مردماں پاکستانی اُرد ءِ کرد ءِ ستا کرتگ۔