اسلام آباد۔1ستمبر (اے پی پی): مزن وزیر محمد شہباز شریف ءَ اوگانستان ءِ رودراتکی دمگ ءَ بوتگیں تباہ کنوکیں زمین چنڈ ءِ تہ ءَ جانی بیرانی ءِ سر ءَ سکیں دلپدردی ءُ رنج ءُ گم ءِ درشانی کتگ ءُ پاکستان ءِ الس ءُ حکومت ءِ نیمگ ءَ چہ آماچیں ھاندان ءَ گوں دل ءِ تہ ءَ ھمدردی ءُ دلپدردی ءِ درشانی کتگ۔ ’’ایکس‘‘ ءِ سر ءَ وتی کلوہ ءِ تہ ءَ مزن وزیر محمد شہباز شریف ءَ گوشت کہ اے غم ءِ ساھت ءَ ما وتی اوگان برات ءُ گہار آنی گوما یکوئی ءِ درشان کن آں ءُ آھانی واستہ ھمک رنگ ءِ کمک ءِ پھجارینگ ءِ واستہ تیار ایں ۔ زانگ بہ بیت کہ گوستگیں شپ ءَ کابل ءَ ابید اسلام آباد ءَ ھوار پاکستان ءِ جتا جتائیں دمگاں ھم اے زمین چنڈ ءِ شدیدیں لرزگ ءِ احساس بوتگ کہ ایشی ءِ تہ ءَ ھالانی رد ءَ اوگانستان ءَ انسانی جان ءِ تاوان ءُ بازیں میتگاں مال ءُ مڈی ءِ ھلاس بوھگ بوتگ۔
