جنوبی ایشیا ءَ دائمی امن ءِ واستہ ٹوھیں گپ ءُ تران ءِ ضلورت انت، مزن وزیر شہباز شریف تیانجن  ءَ ایس سی او ءِ سروک اسٹیٹ کونسل ءِ دیوان ءَ  را گشتانک

اسلام آباد۔1ستمبر  (اے پی پی): مزن وزیر محمد شہباز شریف ءَ جنوبی ایشیا ءَ دائمی امن ءِ واستہ سرجمیں گپ ءُ تران ءِ ضلورت ءِ سر ءَ زور پر دات ءُ گوشت کہ پاکستان وتی درستیں ھمساھگیں ملک آنی گوما نارمل سیادی لوٹ ایت، امن، دیمروئی ءُ وشھالی ءِ واستہ ایس سی او ءِ باسکیں ملک آنی گوما کوشست آناں برجاہ دار ایت،  اسرائیل ءِ زوراکی ایران ءِ سر ءَ لائک ءَ مذمت اِنت، ایش  اچ کس ءَ را قبول نہ اِنت،  غزہ ءِ تہا ظلم ءُ شُد مئے اجتماعی ضمیر ءِ سرا یک بے مٹیں ٹپے، ما ظلم ءُ خونریزی ءِ زوتیں ھلاسی ءِ لوٹ ءَ پدا پدر کنیں، پاکستان ءَ مزنیں ھئور، گلوبل وارمنگ، ابر ءُ تباہ کنوکیں ھور ءِ آماچ انت، ما میاں اوستمانی براتی ھاسیں رنگ ءَ چین ءِ نیمگ ءَ چہ کمک ءِ ستا ءَ کنیں۔ آئی ءَ اے ھیالانی درشانی چین ءِ شہر تیانجین ءَ برجم داشتگیں ایس سی او ءِ کونسل آف ہیڈز آف ہیڈز ءِ 25می دیوان ءَ گوں تران کنان ءَ کت۔ مزن وزیر ءَ تیانجن ءَ وتی ھست بوھگ ءِ سر ءَ وتی فخر ءِ درشان کنان ءَ گوشت کہ تیانجن چین ءِ بنیاتی قدر آنی نمائندگی کنت ءُ تہذیب ءُ دود ءُ ربیدگ آنی واستہ پُل ءِ کرد ءَ پیلو کنت۔ ما اے روح ءِ نوک کنگ ءِ ھاترا تیانجن ءَ یکجاہ بوتگیں ۔ آئی ءَ گوشت کہ چین ءِ صدر ءُ حکومت ءِ جوانیں میزبانی ءُ سرجمیں بندوبست آنی سر ءَ منت وار آں ۔ آئی ءَ ازبکستان ءُ کرغزستان ءِ آجوئی ءِ روچ ءَ مبارکی دات۔ مزن وزیر ءَ گوشت کہ ایس سی او دمگی کمک ءُ یکوئی ءِ دیمروئی ءِ واستہ پاکستان ءِ دیریں جزم ءِ عکس اِنت، ایس سی او ءِ سوبمندی صدر شی جن پنگ ءِ دانشمند ءُ رھشونی ءِ درشان اِنت ءُ چین ءِ جھان ءِ سروکی نہ ایوک ءَ ایس سی او ءِ تہ ءَ بلکینگ ءَ بازیں دمگی ءُ میاں اوستمانی فورم ءُ پرومین آنی تہ ءَ ھم گندگ بیت۔ آئی ءَ گوشت کہ پاکستان ءَ مدام کثیر نیمگی گپ ءُ تران ءُ سفارتکاری ءِ طاقت ءِ سر ءَ ایمان بوتگ۔ ہچ چیز پہ ہچ ملک ءَ چہ حاکمیت ءُ دمگی امنیت ءَ اهمیت تر نہ اِنت۔ پاکستان اسکو ءِ باسک ءُ ھمساھگیں ملک آنی حاکمیت ءُ دمگی ایمنی ءِ احترام ءَ کنت۔ مزن وزیر ءَ گوشت کہ ما توامیں میاں اوستمانی ءُ دو نیمگی معاہدہ آنی شرپ ءَ کن آں۔ معاہدہ آنی رد ءَ آپ ءِ بے رکاوٹیں رسائی ءَ چہ ایس سی او ءِ مول ءُ مراد گیش مھکم بنت۔ آئی ءَ توامیں ھمساھگیں ملک آنی گوما پاکستان ءِ نارمل سیادی ءِ واھشت ءِ پدا زور پر دات ءُ گوشت کہ ما نارمل سیادی ءِ واستہ گپ ءُ تران ءُ سفارتکاری ءِ شوھاز ءَ ایں ءُ امن، دیمروئی ءُ وشھالی ءِ واستہ ایس سی او ءِ باسکیں ملک آنی گوما کار کنگ ءَ برجاہ دار ایں ۔ آئی ءَ جنوبی ایشیا ءَ پائیدار امن ءِ واستہ سرجمیں گپ ءُ تران ءِ ضلورت ءِ سر ءَ زور پر دات ءُ گوشت کہ پاکستان اقوام متحدہ ءُ ایس سی او ءِ منشور آنی سر ءَ پابند بوتگ ءُ دیم ءَ ھم کنت۔ مزن وزیر ءَ ایران ءِ سر ءَ اسرائیل ءِ بے جاہیں زوراکی ءَ را مذمت ءُ نا منّگ ءِ لیکگ ءَ گوشت کہ دراھیں دیریں جیڈھ آناں سرجمیں گپ ءُ تران ءِ وسیلگ ءَ گیش ءُ گیوار کنگ بوت کنت۔ غزہ ءِ تہا برجاہیں ظلم ءُ زوراکی ءُ شُد مئے اجتماعی یکوئی ءِ سرا بے مٹیں ٹپ انت۔ آئی ءَ گوشت کہ پاکستان اقوام متحدہ ءِ نیمگ ءَ منظور کتگیں دو ریاستی حل ءِ حمایت ءَ کنت ۔ غزہ ءِ تہا برجاہیں ظلم ءُ زوراکی، بربریت ءُ شُد مئے ضمیر ءِ سرا بار انت۔ ما وتی لوٹ ءَ پدا پدر کنیں کہ زلم ءُ زوراکی ءُ ھون ریچی ءِ زوت ھلاس کنگ بہ بیت۔ آئی ءَ ناشرکاری، جدائی پسندی ءُ انتہا پسندی ءَ را سرجمیں دمگ ءِ واستہ مزنیں ھترہ لیک اتگ ءُ گوشت کہ پاکستان ناشرکاری ءِ ھرچ رنگ ءُ ھرچ رنگ ءَ مذمت کنت۔ دنیا ھما ملکانی دروگیں بہتاماں نہ من ایت کہ آ ناشرکاری ءَ پہ وتی مفاداں سلاہ ءِ بستار ءَ کارمرد کن اَنت۔ آئی ءَ گوشت کہ بلوچستان ءُ خیبر پختونخوا ءَ بوتگیں ناشرکاری اُرش آنی تہ ءَ سیاھیں دست آنی دست مان بوھگ ءِ ثبوت است انت، ءُ ناشرکاری اُرش آنی تہ ءَ زمہ وار ءُ ایشانی آسراتی کنوک الم احتساب کنگ بہ بنت۔ مزن وزیر ءَ گوشت کہ پاکستان ءَ ناشرکاری ءِ ھلاپ ءَ جنگ ءَ بے دروریں قربانی داتگ۔ پاکستان ءَ ایوک ءَ وتی واستہ نہ سرجمیں دمگ ءُ دگنیا ءِ واستہ قربانی داتگ۔ ما 90 ہزار ءَ چہ گیش گران بھائیں جان قربان کتگ انت۔ مات، چُک، مهندس، ڈاکٹر، زانتکار، شہری ءُ افسراں وتی جان قربان کتگ انت۔ مزن وزیر ءَ اوگانستان ءَ یک برات ءِ ھمساھگیں ملک ءِ رنگ ءَ گوشت کہ مھکمیں اوگانستان ایوک ءَ مئے نپ ءِ تہ ءَ بلکینگ ءَ سرجمیں پڑ ءِ نپ ءِ تہ ءَ اِنت۔ ما اوگان سروکی ءِ گوما سیادی ءَ را گیش مھکم کنگ ءَ ایں تانکہ ما اوگانستان ءَ را یک جوانیں ھمساھگ ءُ اقتصادی شریک ءِ بستار ءَ وت ءَ برگ ءَ ایں ۔ امیت انت کہ اے کمک ءُ سئے نیمگی گند ءُ نند ءَ چہ آیوکیں وھد ءَ جوانیں آسر دیم ءَ کیت۔ مزن وزیر ءَ خطہ ءَ سیادی ءَ را دیمروئی دیگ ءِ ارزشت ءَ را پدر کنان ءَ گوشت کہ سی پیک پاکستان ءُ چین ءِ نیام ءَ جوانیں منصوبگ اِنت۔ چین ءُ پاکستان ءِ اقتصادی راہداری اے وژن ءِ عملی مثال اِنت۔ آئی ءَ گوشت کہ دمگی سیادی ایس سی او ءِ مول ءُ مراد آنی سرجمی ءَ کمک کت کن اَنت، دمگی رابطہ ءُ اقتصادی یکوئی، ءُ مھکمیں سپلائی چین آنی واستہ معتبر بوت کن اَنت۔ زمینی، ہوائی ءُ ریلوے ءِ راہ ءُ درانی ضلورت انت۔ مزن وزیر ءَ دیوان ءَ گشتانک دیان ءَ دیوان ءَ ھواریں مردم آناں پاکستان ءَ ھور، گلوبل وارمنگ، کلاؤڈ برسٹ ءُ تباہ کنوکیں سیلاب ءِ جاور ھال آنی بابت ءَ سرپد کت۔ آئی ءَ گوشت کہ سیلاب ءَ گران بھائیں انسانی جان زرتگ، بنیاتی ڈھانچہ، مال ءُ مڈی، فصل ءُ مال ءُ مڈی آناں مزنیں تاوان داتگ۔ آئی ءَ گوشت کہ سیلاب ءِ جاور ھال ءَ میاں اوستمانی براتی ھاسیں رنگ ءَ چین ءِ نیمگ ءَ پیش داشتگیں یکوئی ءُ کمک ءَ را پاکستان ارزشت دنت۔ مئے دلیر ءُ مھکمیں مردم ریسکیو ءُ ریکوری ءِ کار ءَ گوں بندوک اَنت۔ ما چہ سیلاب ءِ تباہی ءَ وت ءَ رکّینگ ءِ ھاترا نوکیں اُمیت ءِ راہ ءَ تراشتگیں۔ آئی ءَ گوستگیں یک ءُ نیم سال ءِ تہ ءَ پاکستان ءِ جوانیں اقتصادی ردوم ءِ ذکر کت ءُ گوشت کہ مئے اقتصادی بدلی ءِ منصوبگ سئے ستون آنی سر ءَ بندوک اِنت: تجارت، بنیاتی ڈھانچگ، کشت ءُ کشاری، آئی ٹی ءُ معدنی وسیلگ آنی تہ ءَ نوکیں سرمایہ کاری اقتصادی بدلی ءِ اولی ستون اَنت۔ تبدیلی ءِ سرا کار کنگ ءَ انت۔ آئی ءَ گوشت کہ ما وتی ورنا نسل ءَ را بااختیار جوڑ کنگ ءَ ایں، آھاں بامردیں روزگار ءُ جوانیں موہ پجاری کنگ ءَ آں۔ مہنگائی ءِ تہ ءَ کمی بوتگ، کرنٹ اکاؤنٹ سرپلس ءُ اسٹاک مارکیٹ ءِ تہ ءَ مزنیں گہتری بوتگ۔ مزن وزیر ءَ ایس سی او ءِ منشور ءِ سر ءَ وتی بے مٹیں عزم ءِ پدر کنگ ءَ گوشت کہ آئی ءَ ’’شانگھائی اسپرٹ‘‘ ءِ مزنیں قدر آنی برجائی ءِ واستہ وتی عزم ءِ پدر کنگ ءَ گوشت۔ دیم ءِ سفر دراج ءُ گران بیت۔ برے تُرندیں روچ، برے تلخیں سردی مئے جرات، صبر ءُ جزم ءِ چکاس ءَ کنت بلے مئے مول ءُ مراد مارا ھرچ مشکل ءِ برداشت کنگ ءِ اہل کنت۔ مزن وزیر ءَ ایس سی او ءِ باسکیں ملک آنی سئے ءُ نیم ارب اُلس آنی واستہ امن ءُ ایمنی ءُ وشھالی ءِ واستہ کار کنگ ءِ جزم ءِ درشان کت ءُ گوشت کہ ما درست یکجائی ءَ اے سفر ءَ دیم ءَ براں۔ مزن وزیر ءَ ناشرکاری ءِ ھلاپ ءَ جنگ ءَ پاکستان ءِ قربانی آنی ذکر کت ءُ گوشت کہ اے جنگ ءَ مارا 152ارب ڈالر ءَ چہ گیش معاشی تاوان رستگ۔ پاکستان ءِ قربانی راجدپتر ءِ تہا بے مثال انت۔