صدر آصف علی زرداری ءَ آل پارٹی حریت کانفرنس ءِ بُن ھشت ایر کنوکیں سروک سید علی گیلانی ءِ بیرانی ءِ سالروچ ءِ درگت ءَ توسیپ ءُ ستا

اسلام آباد۔1ستمبر  (اے پی پی): صدر آصف علی زرداری ءَ آل پارٹی حریت کانفرنس ءِ بُن ھشت ایر کنوکیں سروک سید علی گیلانی ءَ را  توسیپ ءُ ستا پیش  کنان ءَ گوشت کہ آئی ءَ وتی سرجمیں زند وت واجہی ءِ ھک ءِ جہد ءِ واستہ ندر کتگ، آئی ءِ زندمان قربانی ءُ مھکمی ءِ علامت انت۔ صدر گس ءِ پریس ونگ ءِ نیمگ ءَ چہ جاڑی بوتگیں پریس ریلیز ءِ رد ءَ صدر ءِ مملکت ءَ سید علی شاہ  گیلانی  ءِ چارمی بیرانی سالروچ ءِ درگت ءَ وتی گشتانک ءَ گوشت کہ سید علی گیلانی ءِ زند قربانی ءُ مھکمی ءِ علامت اِنت، آئی ءِ شخصیت ھما مردمانی واستہ رژن ءِ چراگ اِنت کہ آ راستی ءُ انصاف ءِ سر ءَ ایمان دار اَنت۔ آئی ءَ گوشت کہ بھارتی زلم ءُ زوراکی سید علی گیلانی ءِ جزم ءُ دلیری ءَ را ھلاس نہ کنت، آئی ءِ موقف ءَ کشمیری راج ءَ را آجوئی ءِ جہد ءَ مھکم داشتگ، پاکستان سید علی گیلانی ءُ کشمیری راج ملک ءِ  ھاترا داتگیں قربانی آنی مدام یات کنت ءُ  توسیپ ءُ ستا پیش کنت۔  آئی ءَ گوشت کہ   ہندوستان ءِ زلم ءُ زوراکی کشمیری راج ءِ حوصلہ ءَ چہ ہلاس کُت نہ کنت۔ آصف علی زرداری ءَ گوشت کہ اقوام متحدہ ءِ قرارداد آنی رد ءَ کشمیری اُلس ءَ را وت واجئی ءِ ھک رسگ لوٹ ایت۔ آئی ءَ دعا کت کہ اللہ تعالیٰ سید  علی گیلانی ءِ آکبت ءَ   را آسودگ بکن آت۔