تیانجن ۔1ستمبر (اے پی پی): مزن وزیر محمد شہباز شریف شنگھائی کمکی گل ءِ بیست ءُ پنچمی سروک دیوان ءَ بھر زوری ءِ واستہ چین ءِ شہر تیانجن ءَ سر بوتگ۔ کنونشن سینٹر ءَ سر بوھگ ءَ پد شنگھائی کوآپریشن آرگنائزیشن سروک دیوان ءَ بھر زوروکیں سروک آنی گروپ فوٹو سیشن برجم دارگ بوت ایشی ءِ تہ ءَ مزن وزیر محمد شہباز شریف ءَ بھر زوری کت۔ اے دیوان ءَ جھان ءِ ھاسیں سروک ھوار اَنت کہ آھانی تہ ءَ بازیں باسکیں ملک آنی سروک ھم ھوار اَنت۔ دیوان ءِ باقاعدہ ایس سی او ءِ صدر شی جن پنگ ءِ بنداتی گشتانک ءَ چہ بندات بوتگ۔ آئی ءَ ایس سی او ءِ مول ءُ مراد، مول ءُ مراد ءُ سوبمندی آنی سر ءَ چمشانک دات ءُ گوشت کہ ایس سی او وھد ءِ گوزگ ءَ گوں یک متحرکیں ادارگ ءِ جوڑ بوتگ۔ اے تنظیم یکے دومی ءِ سرا دل یکیمی ءُ نفع ءِ رھبندآنی رد ءَ دیم ءَ روگ ءَ انت۔ ایس سی او ءِ ملک آنی نیام ءَ کمک ءَ را گیش کنگ ءِ واستہ مزنیں امکانات ءُ گنجائش است انت کہ ایشی ءَ را کارمرد کنگ ءِ ضلورت انت۔ آئی ءَ تجارت، معیشت ءِ وڑیں جتاجتائیں شوبگ آنی تہ ءَ استیں موہ آناں پائدگ چست کنگ ءِ ضلورت ءِ سر ءَ زور پر دات ءُ گوشت کہ مردم آناں نزیک کنگ لوٹ ایت۔
