تیانجن ۔31اگست (اے پی پی):مزن وزیر محمد شہباز شریف ءُ ترکی ءِ صدر رجب طیب اردوان ءَ دو نیمگی سیادی ءِ سر ءَ دل یکیمی ءِ درشان کتگ ءُ امن، برجائی ءُ وشھالی ءِ واستہ وت مہ وتی کمک ءَ را گیش مھکم کنگ ءِ جزم ءِ درشان کتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ چین ءِ شہر تیانجن ءَ ایس سی او ءِ کونسل آف ہیڈز اسٹیٹ ءِ ساھت ءَ ترکی ءِ صدر رجب طیب اردوان ءَ گوں گند ءُ نند کتگ۔ دوئیں رہشوناں پاک ءُ ترکی ءِ سیادی ءِ استیں جاور ھال ءِ سر ءَ چار ءُ تپاسی کت ءُدو نیمگی سیادی ءِ گیش بوھوکیں رپک ءِ سر ءَ دل یکیمی ءِ درشان کت۔ آئی ءَ سیاسی، اقتصادی، دفاعیءُ سیکورٹی ءِ شوبگ ءَ ھوار بازیں پڑ آنی تہ ءَ مزنیں تک ءِ تبادلہ ءُ کمک ءِ تہ ءَ مدام گیشی ءِ ستا کرتگ۔ ترکی ءِ صدر ءَ گوستگیں روچاں پاکستان ءَ بوتگیں مون سون سیلاب ءِ سبب ءَ بوتگیں گران بھائیں جانی تاوان ءُ مالی تاوان ءِ سر ءَ پاکستان ءِ الس ءَ گوں یکوئی ءِ درشان کنان ءَ گوشت کہ اے مشکل ءِ ساھت ءَ ترکی ءِ حکومت ءُ الس پاکستان ءِ گوما اوشتاتگ۔ دوئیں رہشون آں دمگیءُ میاں اوستمانی ھاسیں دیمروئی آنی بابت ءَ ھم گپ ءُ تران کتگ۔ آہاں غزہ ءِ تہا انسانی جاور ھال ءِ ھراب بوھگ ءِ سر ءَ سک باز جیڈھ ءِ درشانی کتگ ءُ فلسطینی راج ءِ جائزیں ھک آنی حمایت ءِ واستہ میاں اوستمانی پلیٹ فارم آناں کارمرد کنگ ءُ اسرائیل ءِ برجاھیں زوراکیءُ نسل کشی ءِ پالیسی آناں مذمت کنگ ءِ وتییکجائی ءِ عزم ءِ پدر کنگ ءَ انت۔ گند ءُ نند ءَ پاکستان ءُ ترکی ءِ نیام ءَ گہتریں براتی سیادی ءِ جوڑ کنگ ءُ مسلم دگنیاءُ ایشیءَ چہ دریں ملک آنی تہ ءَ امن، برجائیءُ وشھالی ءِ واستہ وت مہ وتی کمک ءَ را گیش مھکم کنگ ءِ واستہ یکجائی عزم ءِ ھم درشان کنگ بوت۔
