ایس سی او دنیا ءِ مزنیں دمگی گل ءُیک مھکمیں درچکے جوڑ بوتگ کہ امن، مھکم ءُ وشھالی ءِ دیمروئی ءِ ھاترا کوشست کنگ ءَ اِنت، صدر آصف علی زرداری

اسلام آباد۔31اگست (اے پی پی):صدر آصف علی زرداری ءَ شنگھائی کمکی گل ءَ را بھروسہ، برابریءُ وشھالی ءِ یکجائی وژن ءِ رنگ ءَ بیان کنان ءَ گوشت کہ کمیں وھد ءِ تہ ءَ ایس سی او دگنیا ءِ مزنیں دمگی گل ءُیک مھکمیں مھکمیں درچک ءِ جوڑ بوتگ کہ امن، مھکمءُ وشھالی ءِ دیمروئی ءِ واستہ کوشست کنگ ءَ اِنت۔ ایس سی او ءِ جغرافیائی تسلسل ءَ مارا اقتصادی سیادی ءِ ھاتر ءَ یکجاہ کار کنگ ءِ راجدپتری موہ داتگ۔ مارا فقر، موسمیاتی بدلی ءُ نابرابری ءِ ھلاپ ءَ یکجاھیں کوشست کنگی اِنت۔ پاکستان ءُ چین آہنی برات انت۔ دگہ ملک مئے مثالی سیادی ءِ سرا حسد کن انت۔ سی پیک مئے دوستی ءِ درشان ءُ پاکستان ءِ اقتصادی دیمروئی ءِ علامت جوڑ بوتگ۔ پاکستان ایس سی او ءِ بیرک ءِ چیر دستی ءَ ”شانگھائی اسپرٹ“ ءِ دیمروئی ءِ چین ءِ وژن ءِ سرجمیں رنگ ءَ حمایت کنت۔ شنگھائی کمکی گل ءِ سروک دیوان ءِ موہ ءَ چین ڈیلی جرنل ءِ تہ ءَ شنگ بوتگیں نبشتانک ءِ تہ ءَ صدر ءَ گوستگیں بازیں دہائی آنی تہ ءَ چین ءِ تر ءُ تاب آنییات ءَ گوشت کہ من چین ءَ را مدام وتی دومی گس لیک اتگ۔ من ءُ منی ھاندان ءَ گوں ھما مھر ءُ مہمانداری کہ ھر موہ ءَ پاکستانی راج ءَ گوں داتگیں مھکمیں ءُ مھکمیں ھمراھی ھما یات اَنت کہ پہ ابد منی دل ءُ دماگ ءَ نبشتہ بنت۔ آئی ءَ گوشت کہ آئی ءَ چین ءِ صدر شی جن پنگ ءَ را شنگھائی کمکی گل ءِ سروک دیوان ءِ میزبانی ءِ سر ءَ مبارک بات داتگ کہ اے وتی رنگ ءِ مزنیں دیوان اِنت ءُ ایشی ءِ میزبانی ءَ زیبائیں شہر تیانجن کنگ ءَ اِنت۔ مارچ ۲۰۱۲ ءَ من اے زندگیں شہر ءَ کہ نوں حیران کنوکیں حدے ءَ دیمروئی کتگ۔ آئی ءَ گوشت کہ من چین ءِ صدر شی ءِ سروکی ءَ ایس سی او سروک دیوان ءِ بُنکی ایجنڈا ءَ را دیم ءَ برگ ءِ تہ ءَ سوبمندی ءِ واھگ دار آں ۔ آئی ءَ گوشت کہ صدر شی ءِ ”بنی آدم ءِ واستہ یکجائی آیوکیں وھد ءِ گوں یک کمیونٹی“ ءِ وژن ھما اِنت کہ تنظیم ءَ دہائی آنی تہ ءَ وت ءَ را ایر کتگ۔ گوستگیں سال ءِ اکتوبر ءَ باسکیں ملک آنی 23می حکومت ءِ سروک کونسل ءِ میزبانی کنگ پاکستان ءِ واستہ شرف ءِ بوتگ۔ آئی ءَ گوشت کہ وھدے ایس سی او بندات کنگ بوتگ گڈا اے یک کسانیں پودے بوتگ بلے مرچییک مھکم ءُ زبردستیں درچک ءِ جوڑ بوتگ کہ ملک آناں یکجا کنت ءُ دمگ آنی تہ ءَ امن، برجائیءُ وشھالی ءَ را دیم ءَ برگ ءَ انت۔ اے مول ءُ مراد ھما وھد ءَ سرجم بنت کہ باسکیں ملک ناشرکاری، انتہا پسندی ءُ جدائیپسندی ءِ سئے مزنیں ھترہانی سر ءَ یکجاہ بہ بنت اگاں نہ آ دگنیا ءَ انارکی ءِ تہ ءَ کشّ اِت کن اَنت۔ کمیں وھد ءِ تہ ءَ ایس سی او دنیا ءِ مزنیں دمگی گل جوڑ بوتگ ءُ یوریشیا ءِ 80 درسد دمگ ءُ دنیا ءِ 40 درسد آبادی ءِ سر ءَ ھوار اِنت۔ اے سازمان جامع انت ءُ مدام دیم ءَ روان انت۔ آئی ءَ گوشت کہ ایس سی او ءِ جغرافیائی تسلسل ءَ مارا اقتصادی رابطہ ءِ واستہ یکجائی ءَ کار کنگ ءِ راجدپتری موہ داتگ، گریبی، موسمیاتی بدلیءُ بائیو ڈگریڈیشن ءِ وڑیںیکجائی جیڈھ آناں گوں دیم پہ دیم بوھگ ءِ واستہ۔ مارا فقر ءُ نابرابر ءِ ھلاپ ءَ مشترکہ کوشست کنگی انت۔ تھنا ھما وھد ءَ ما یک عادلانہ جھان ءِ نظام ءِ تہ ءَ راستیں انسانی ایمنی ءَ را دل یکیمی کنگ ءِ وس ءَ کن ایں ۔ گوستگیں سال آنی تہ ءَ ایس سی او ءِ کارکردگی ھاسیں رنگ ءَ ناشرکاری، سرحد ءِ سرا جرم ءُ ھاسیں رنگ ءَ منشیات ءِ سوداگری ءِ ھلاپ ءَ جنگ ءِ تہ ءَ جوانیں کارکردگی وش بوتگ۔آئی ءَ گوشت کہ تیانجن ءِ دیوان ءَ چہ مارا آیوکیں دہ سال ءِ واستہ سرجمیں دیمروئی ءِ واستہ روڈ میپ ءِ جوڑ کنگ ءِ موہ رس ایت۔ اے دیوان ءِ یک ھاسیں کارے ایش انت کہ حقیقی کثیر جہتی ءِ دیمروئی کنگ بہ بیت کہ ایشی ءِ تہ ءَ ایوک ءَ امن ءُ ایمنی ءِ تہ ءَ ھوار نہ انت بلکیں اقتصادی، مالی، تجارتیءُ ٹیکنالوجی ءِ سیادی آنی تہ ءَ ھم ھوار انت۔ اے مئے فرض انت کہ ما جھان ءِ ادارہاں مھکم بہ کنیں۔ اے چہ عالمی مارکیٹ آنی تہ ءَ اتار چڑھاؤ ءَ را کنٹرول کنگ ءُ استحکام ءِ آرگ ءَ کمک کنت۔ آئی ءَ گوشت کہ 2024ءَ ایس سی او ءِ ملک آنی گوما چین ءِ تجارت ءِ تہ ءَ گیشی نیم کھرب ڈالر بوتگ، ایشی ءَ چہ اے تنظیم ءِ گیش بوھوکیں ارزشت ءِ گواہی اِنت۔ صدر ءِ مملکت ءَ گوشت کہ مارا چین ءِ دیمروئیءُ آئی ءِ دمگیءُ جھان ءِ سروکی ءِ سر ءَ پھر اِنت ءُ دوئیں ملک آنی سیادییک انچیں کسہ اِنت کہ ایشیءِ سر ءَ دگہ راج حسد کن اَنت۔ آئی ءَ گوشت کہ اے سیادی ءِ تہ ءَ گہتریءُ پائیداری دوئیں ھست انت ءُ مئے اسٹریٹجک کمک ءَ را سرجمیں دگنیا ءَ منگ بیت۔ آئی ءَ گوشت کہ ما مدام یک ءِ دومی ءِ بنکی جیڈھءُ حاکمی، سرزمین ءِ یکوئیءُ سیاسی آجوئی ءِ بنیاتی جیڈھ آنی سر ءَ یک ءِ دومیگ ءِ گوما اوشتاتگ آں ۔ آئی ءَ گوشت کہ مئے دوئیں ملک میاں اوستمانی دیوان آنی تہ ءَ نزیکی ءَ گوں کمک کن اَنت ءُ چین ءَ مدام پاکستان ءِ کمک کتگ ھاسیں رنگ ءَ مئے راجدپتر ءِ گران تریں ساھت آنی تہ ءَ۔ آئی ءَ گوشت کہ منی چین ءِ گوما ھاسیں سیادیاِنت، منی سس ءِ مزن وزیر ذوالفقار علی بھٹو، چین ءِ بانی رہشون چیئرمین ماؤ زے تنگ ءُ مزن وزیر ژو این لائی ءِ گوما پاکستان ءُ چین ءِ دوستی جوڑ بوتگ۔ منی زالبول مزن وزیر بے نظیر بھٹو ءَ اے سیادی ءَ را گیش ءُ گیوار کت ءُ من ءَ چین ءِ درجن ءَ چہ گیش تر ءُ تاب ءِ وھد ءَ چین ءِ سروکی ھاسیں رنگ ءَ صدر شی ءِ گوما نزیکی ءَ کار کنگ ءِ شرف رست کہ ایشی ءِ آسر ءَ چین ءُ پاکستان ءِ اقتصادی راہداری ءِ لیکہ ءُ بندات بوت۔ مرچی سی پیک مئے دوستی ءِ درشان ءُ پاکستان ءِ معیشت ءِ دیمروئی ءِ علامت جوڑ بوتگ۔ صدر ءِ مملکت ءَ گوشت کہ اے سال ءِ فروری ءَ منی چین ءِ تر ءُ تاب ءَ چہ منی اے باور ءَ را گیش مھکم کنگ بوت کہ اگاں ما یکجائی ءَ مزنیں سوبمندی زرتگ بلے دفاع، سائبر سیکورٹی، نوکیں ٹیکنالوجیءُ توانائی ءَ ھوار جتا جتائیں پڑ آنی تہ ءَ وتی سیادی ءَ را گیش مھکم کنگ ءِ واستہ انگت بازیں کار کنگ لوٹ ایت۔ آئی ءَ گوشت کہ نوں دگنیا سرپد بوتگ کہ ایس سی او یک فوجی اتحاد ءِ نہ انت بلکینگ ءَ یک انچیں ادارھے انت کہ انسانیت ءِ ھزمت ءَ راج آنی نیام ءَ اقتصادی کمک ءُ تپاکی ءَ را دیم ءَ برگ ءَ انت۔ آئی ءَ گوشت کہ پاکستان ایس سی او ءِ بیرک ءِ چیردستی ءَ ’’شانگائی اسپرٹ‘‘ ءِ دیمروئی ءِ واستہ چین ءِ وژن ءِ سک باز حمایت کنت کہ ایشی ءَ چہ یوریشیاءُ درستیں راج آنی واستہ یکے دومی ءِ سر ءَ بھروسہ، وت واجہی ءِ برابریءُیکجائی دیمروئی ءِ واستہ یک فریم ورک ءِ پجارینگ بیت۔