مزن وزیر ءَ چین ءِ شہر تیانجن ءِ تر ءُ تاب ءِ وھد ءَ ایس سی او ءِ کونسل آف ہیڈز اسٹیٹ ءُ کونسل آف ہیڈز اسٹیٹ پلس دیوان ءَ پاکستانی ڈل ءِ سروکی ءَ کنت

اسلام آباد۔30اگست (اے پی پی): مزن وزیر محمد شہباز شریف 31اگست ءَ بگر داں یکم ستمبر 2025 ءَ چین ءِ شہر تیانجن ءِ تر ءُ تاب ءِ وھد ءَ ایس سی او ءِ کونسل آف ہیڈز اسٹیٹ ءُ کونسل آف ہیڈز آف اسٹیٹ پلس میٹنگ ءَ پاکستانی ڈل ءِ سروکی ءَ کنت۔ مزن وزیر ھاسیں دمگی ءُ جھان ءِ جیڈھ آنی سر ءَ پاکستان ءِ لیکہ پیش کنت۔ ایس سی او ءُ سی ایچ ایس ءِ سروک دیوان ءَ پاکستان، بیلاروس، چین، ہندوستان، ایران، قزاقستان، کرغزستان، روس، تاجکستان ءُ ازبکستان ءَ ھوار باسکیں ملک آنی سروک ءُ حکومت آنی سروک بھر زوری کن اَنت۔ ایس سی او، سی ایچ ایس ءِ دیوان ءِ تہ ءَ گیشی ءِ دروشم ءَ برجم دارگ بیت، ایشی ءِ تہ ءَ منگولیا، ارمنستان، آذربائیجان، کمبوڈیا، نیپال، ترکی، مصر، مالدیپ، میانمار، ترکمانستان، ملائیشیا، لاؤس، ویتنام ءُ انڈونیشیا ءِ سروک، اقوام متحدہ ءِ سیکرٹری جنرل ءُ ایندگر ادارگ آنی سروک دمگی ءُ میاں اوستمانی گل آنی سروک بھر زور اَنت۔ ایس سی او، سی ایچ ایس ءِ دیوان ءَ مزن وزیر شہباز شریف دمگی ءُ جھان ءِ جیڈھ آنی سر ءَ پاکستان ءِ ھیال ءُ لیکہ پیش کنت ءُ دمگی کمک ءُ استحکام ءِ دیمروئی ءِ واستہ ایس سی او ءِ کرد ءَ را گیش موثر جوڑ کنگ ءِ حکمت عملی آناں پدر کنت۔ ایس سی او، سی ایچ ایس تنظیم ءِ مستریں فیصلہ کنوکیں ادارہ انت، کہ سیاسی، سیکورٹی ءُ اسٹریٹجک رہنمائی ءَ دنت ءُ اعلامیہ، بیان ءُ کلیدی پیسلہ آں وتی کنت کہ تنظیم ءِ ایجنڈا ءَ ٹھینگ ءَ انت۔ ایس سی او، سی ایچ ایس ءِ دیوان یک تھیم ءِ سر ءَ بنیات ءِ سروک دیوان اِنت کہ دعوت داتگیں رہشون آنی گوما گیشیں گپ ءُ تران ءَ را دیم ءَ برگ ءَ اِنت ءُ دمگی ءُ جھان ءِ اولویت آنی سر ءَ دلگوشی دنت۔ ایس سی او، سی ایچ ایس ءِ گند ءُ نند ءِ ساھت ءَ مزن وزیر کثیر نیمگی کمک، دمگی ایمنی ءِ دیمروئی ءُ برجمیں دیمروئی ءِ ھوالگ ءَ پاکستان ءِ جزم ءِ یک رندے پدر کنت۔ سروک دیوان ءِ ساھت ءَ مزن وزیر ایس سی او ءِ باسکیں ملک ءُ ایندگر دعوت داتگیں رہشون آنی گوما دو نیمگی گند ءُ نند ھم کنت ایشی ءِ مول ءُ مراد دو نیمگی سفارتی سیادی ءَ را گیش مھکم کنگ اِنت۔