لاہور۔30اگست (اے پی پی): صدر ءِ مملکت آصف علی زرداری ءَ پاکستان لینڈ پورٹ اتھارٹی بل 2025 ءِ منظوری داتگ صدر ءِ رضامندی ءَ پد نوں اے بل ایکٹ جوڑ بوتگ۔ اے کانود ءَ چہ پاکستان لینڈ پورٹ اتھارٹی ءِ جوڑ کنگ ءِ راہ پچ بیت کہ اے یک قانونی ادارگے کہ ایشی ءَ چہ سیمسر ءِ سرا چہ سامان ءُ مردم آنی نقل و حرکت ءَ را آسراتی رسیت۔ شمبے ءِ روچ ءَ صدارت ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اتھارٹی بین ادارگ آنی ھمگرنچی ءِ واستہ یک مرکزی پلیٹ فارم ءِ رنگ ءَ کار کنت ایشی ءَ چہ زمینی بندرگاہ آنی سر ءَ جوانیں تجارت ءُ مسافر آنی نقل و حرکت ءَ را دل یکیمی کنگ بیت۔ پاکستان بنگلہ دیش ءُ ہندوستان ءَ پد جنوبی ایشیا ءِ سیمی ملک جوڑ بوتگ کہ آئی ءَ لینڈ پورٹ اتھارٹی جوڑ کتگ۔ اتھارٹی سرحدی انتظامی ادارگ آناں جوانیں رنگ ءَ ہمگام کنگ، تجارت ءِ آسراتی ءَ را آسان کنگ ءُ سرحد ءِ سرا رابطہ کاری ءَ را گیش کنگ ءِ واستہ یک مھکمیں میکانزم ءِ دیم ءَ آرگ ءَ انت۔ اے میاں اوستمانی معاہدہ ءُ کنونشنز ءِ رد ءَ پاکستان ءِ ذمہ واری آنی پیلو کنگ ءَ ھم مزنیں کردے پیلو کنت۔ پاکستان لینڈ پورٹ اتھارٹی ءِ جوڑ کنگ پاکستان ءِ دمگی تجارتی یکجاھی ءَ را مھکم کنگ، سیم سر ءِ بندوبست ءَ را گہتر کنگ ءُ ھمساھگیں ملک آنی گوما اقتصادی سیادی ءَ را گیش کنگ ءِ ھاترا یک ھاسیں گامگیج اِنت۔
