اسلام آباد۔30اگست (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ چین ءِ گوما پاکستان ءِ اسٹریٹجک شریکداری ءِ بنیات بھروسہ ءِ سر ءَ اِنت، ما صدر شی جن پنگ ءِ سروکی، بیلٹ اینڈ روڈ انیشیٹیو، جھان ءِ دیمروئی، ایمنی ءُ تہذیب ءِ گامگیج آناں ارزشت دئیں۔ وزارت ءِ درئی کار آنی نیمگ ءَ چہ جاڑی بوتگیں بیان ءِ رد ءَ مزن وزیر شہباز شریف ءِ سروکی ءَ تیانجن ءُ بیجنگ ءَ ایس سی او ءِ سروکیں ملکانی دیوان آنی تہ ءَ پاکستان ءِ بھر زوری ءَ چہ پیسر نائب مزن وزیر سینیٹر محمد اسحاق ڈار ءَ سی جی ٹی این کی گلوبل ساؤتھ وائسز ءِ ھوالگ ءَ چمشانک دات، آئی ءَ اے ھوالگ ءَ ایس سی او ارزشت ءِ ھوالگ ءَ ھم تران کت۔ اے موہ ءِ سر ءَ تران کنان ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ چین ءِ گوما پاکستان ءِ ھر موسم ءِ اسٹریٹجک شریکداری ءِ بنیات ءَ بھروسہ ءُ اسٹریٹجک اِنت سیدھ ءِ سر ءَ بنیات ءَ ما صدر شی ءِ سروکی ، بیلٹ اینڈ روڈ انیشیٹیو ءُ جھان ءِ تہذیب ءُ ایمنی ءِ تہ ءَ آئی ءِ گامگیج آناں سک باز ارزشت دئیں۔ آئی ءَ گوشت کہ شنگھائی کوآپریشن آرگنائزیشن یک ھاسیں یوریشیائی پلیٹ فارم جوڑ بوتگ کہ آ یکے دومی ءِ سر ءَ بھروسہ ءُ یکجائی دیمروئی ءِ اصول آنی چیر دستی ءَ سیکورٹی، تجارت، توانائی، رابطہ، ءُ دود ءُ ربیدگ ءِ تہ ءَ کمک ءَ را دیم ءَ برگ ءَ اِنت۔ مرچیگیں کثیر قطبی دنیا ءَ کثیر جہتی ، استحکام ءُ شمولیت ءِ دیمروئی ءِ دیمروئی ءِ تہا ایس سی او ءِ کرد پیسر ءَ چہ گیش المی انت۔ اسحاق ڈار ءَ چین ءِ ھاتر ءَ المی تریں کانفرنس ءِ میزبانی ءَ ہر وڑیں سوبمندی ءِ واھشت ءِ درشان کت۔ آئی ءَ گوشت کہ ما چینی سروکی ءُ ایس سی او ءِ ایندگر باسکیں ملک آنی سروک آنی گوما ھم مزن تک ءِ جوڑیشت ءِ گپ ءُ تران ءِ ودار ءَ ایں۔
