وفاقی وزیر قانود ءُ انصاف اعظم نظیرتارڑ ءَ برطانیہ ءِ لارڈ پال ءَ گوں گند ءُ نند کتگ، قانونی وانگ ءُ زانگ، قانونی گہتری ءِ تہا کمک ءِ بابت ءَ گپ ءُ تران

اسلام آباد۔29اگست (اے پی پی): وفاقی وزیر کانود ءُ انصاف سٹرن اعظم نظیر تارڑ ءَ گوں برطانوی ہاؤس آف لارڈز ءِ باسک لارڈ پال ءَ اسلام آباد ءَ گند ءُ نند کتگ۔ جارکش ءِ رد ءَ گند ءُ نند ءَ پاکستان ءُ برطانیہ ءِ نیام ءَ کانودی گہتری ءِ شوبگ ءَ کانودی وانگ ءُ زانگ ءِ گہتری ءُ گہتریں کمک ءِ دیمروئی ءِ راہ ءُ درانی سر ءَ ھیال ریچی کنگ بوت۔ اے موہ ءِ سر ءَ ڈائریکٹر لیگل ایجوکیشن پاکستان بیرسٹر اسامہ ملک ھم ساڑی ات ءُ آئی ءَ وتی ھیال ءُ لیکہ درشان کت۔ گند ءُ نند ءِ ساھت ءَ فرینک ءَ قانونی گہتریءُگہتری ءِ تہ ءَ مھکمیں قانونی ادارگ، میاں اوستمانی پٹ ءُ پولی تبادلہ ءُ میاں اوستمانی جوانیں رھبند آنی منوگری ءِ سر ءَ زور پر دات۔ وفاقی کانود ءِ وزیر ءَ پاکستان ءَ شمولیت ءِ کانود ءِ وانگ ءُ زانگ ءِ دیمروئی ءِ واستہ وتی جزم ءِ درشان کت ءُ گوشت کہ حکومت پائیدار ءُ جوانیں گہتری آرگ ءِ واستہ میاں اوستمانی شریک آنی گوما کار کنگ ءِ واستہ جزم انت۔ لارڈ پال ءَ پاکستان ءَ کانود ءِ رھبند ءَ را مھکم کنگ ءِ ھاترا کنگ بوھوکیں کوشست آناں ساڑات ءُ کانود ءِ وانگ ءُ زانگ، پالیسی سازی ءُ ادارگی دیمروئی ءِ پڑ ءَ کمک ءَ را گیش دیمروئی دیگ ءِ ھاترا برطانیہ ءِ واھشت ءِ درشان کت۔ گند ءُ نند ءِ گڈسرا اے تپاک کنگ بوت کہ دوئیں ملک کانود ادارگ آنی نیام ءَ برجاھیں گپ ءُ تران، تبادلہ ءِ پروگرام ءُ یکجائی گامگیج آنی واستہ گیشیں موہ آناں پٹ ءُ پول کن اَنت۔