بجلی ءِ شرح کم کنگ بوتگ انت، آ کہ اے بدلی ءَ محسوس نہ کنگ ءَ انت آہانی چماں پٹی بستگ اَنت، اویس لغاری

لاہور۔29اگست (اے پی پی): توانائی ءِ وفاقی وزیر اویس لغاری ءَ گوشت کہ بجلی ءِ شرح آنی تہ ءَ ھاسیں کمی بوتگ ءُ ھما مردم کہ اے بدلی ءَ را محسوس نہ کنگ ءَ اَنت آھانی چم بند اَنت۔ جمعہ ءِ روچ ءَ پریس کانفرنس ءَ گوں تران کنان ءَ وفاقی وزیر اویس لغاری ءَ گوشت کہ نیٹ میٹرنگ ءِ گوما آئی پی پی زیڈ پی جوڑ بوھگ ءَ انت بلے نیٹ میٹرنگ ءِ سبب ءَ الس ءِ سر ءَ 10کروڑ کلدار ءِ گیشیں بار کپ ایت۔ 4 فی یونٹ، کہ حکومت ہچ وڑیں جاوراں چہ چماں شانک نہ دنت۔ آئی ءَ گوشت کہ اے وھد ءَ 18ملین صارف آناں 70درسد رعایت ءِ سر ءَ بجلی رسگ ءَ انت وھدیکہ زمین چنڈ ءَ آماچیں دمگ آنی صارف آناں ھاسیں رعایت پجاری کنگ بیت۔ وزیر توانائی ءَ گیش گوشت کہ بازیں مردماں سولر پینل ایر کنگ ءَ چہ وتی ھرچ ءُ درچ ءَ را 200 یونٹ کم کتگ، ایشی ءِ سبب ءَ بجلی ءِ نھاد ارزان بوتگ ءُ بل آنی تہ ءَ فرق بوتگ۔ ھما کہ وتی بجلی ءِ بلانی تہ ءَ کمی ءَ نہ گند اَنت آ کور کنگ بوھگ ءَ اَنت۔ آئی ءَ اے گپ ھم پدر کت کہ انوگیں سرکار ءِ سر ءَ کرپشن ءِ الزام جنگ نہ بوھگ ءَ اِنت، پرچا کہ ما اتھارٹی ءِ جنگ ءِ بدل ءَ کمپنی ءَ را توان داتگ۔