امریکی چارج ڈی افیئرز نیٹلی بیکر ءَ محسن نقوی ءَ گوں گند ءُ نند کتگ، پاکستان ءُ امریکہ ءِ دو نیمگی سیادی، وت مہ وتی سیت ءِ جیڈھ آنی سر ءَ گپ ءُ تران

اسلام آباد۔29اگست (اے پی پی): وفاقی وزیر داخلہ محسن نقوی ءَ گوں امریکی چارج ڈی افیئرز نیٹلی بیکر ءَ گند ءُ نند کتگ کہ ایشی ءِ تہ ءَ آھاں پاکستان ءُ امریکہ ءِ دو نیمگی سیادی، پاکستان ءِ وت مہ وتی سیت ءِ جیڈھ ءُ پاکستان ءِ وت مہ وتی سیت ءِ جیڈھ آنی سر ءَ گپ ءُ تران کتگ۔ گند ءُ نند ءَ سیم سر ءِ سیکورٹی، منشیات ءِ ھلاپ ءَ جنگ، کوسٹ گارڈز ءُ فرانزک ءِ شوبگ ءَ کمک ءَ را گیش کنگ ءِ سر ءَ تپاک کنگ بوتگ۔ وزارت داخلہ ءِ جارکش ءِ رد ءَ گند ءُ نند ءِ ساھت ءَ قائم مقام سفیر نیٹلی بیکر ءَ خیبر پختونخوا ءُ پنجاب ءَ سیلاب ءِ سبب ءَ جانی ءُ مال ءِ تاوان ءِ سر ءَ دلپدردی ءِ درشانی کتگ۔ وزیر داخلہ محسن نقوی ءَ پاکستان ءَ تیل ءِ ذخائر ءَ را گیش کنگ ءِ واستہ یکجائی ءَ کار کنگ ءِ صدر ٹرمپ ءِ گامگیج ءَ را وش اتک کت۔ آئی ءَ گوشت کہ امریکی سرمایہ کار پاکستان ءَ جتاجتائیں شوبگ آنی تہ ءَ سرمایہ کاری ءَ چہ سیت مند بوت کن اَنت۔ امریکی سرمایہ کار آناں ھمک رنگ ءِ آسراتی پجاری کنگ بیت۔ امریکی قائم مقام سفیر سفر ءَ گوشت کہ آ پاکستان ءِ گوما سیادی ءَ را ھاسیں ارزشت دیاں۔ اے موہ ءِ سر ءَ وفاقی سیکرٹری داخلہ محمد خرم آغا ءُ ایڈیشنل سیکرٹری داخلہ جنرل نور ولی خان ھم ساڑی ات۔