لاہور۔29اگست (اے پی پی): مزن وزیر محمد شہباز شریف ءِ حکم ءِ سرا موسمی مٹ ءُ بدلی ءُ مون سون ءِ آسرات ءَ گوں وھد ءِ سر ءَ گر ءُ چیل بوھگ ءِ واستہ جوانیں پالیشی جوڑ کنگ بنت۔ ھما وھد ءَ کہ ہنگامی جاور ہلاس کنگ بنت مزن وزیر ءَ مزن تک ءِ دیوان ءِ گوانک جنگ ءِ پیسلہ کتگ ایشی ءِ تہ ءَ چاریں صوبگ آنی سر وزیر ءُ سیادی داروکیں ایندگر ادارگ آنی سروک ھم بھر زوری کن اَنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے پالیشی ءِ ورکنگ پیپر ءَ را سرجمیں صوبائی حکومت آنی گوما شیئر کنگ بیت تانکہ ایشی ءِ بنیات ءَ یکجائی ایکشن پلان جوڑ کنگ بہ بیت۔ ھما وھد ءَ کہ ہنگامی جاور ہلاس کنگ بنت مزن وزیر ءَ مزن تک ءِ دیوان ءِ گوانک جنگ ءِ پیسلہ کتگ ایشی ءِ تہ ءَ چاریں صوبگ آنی سر وزیر ءُ سیادی داروکیں ایندگر ادارگ آنی سروک ھم بھر زوری کن اَنت۔ اے گند ءُ نند ءَ آزات کشمیر ءِ مزن وزیر ءُ گلگت بلتستان ءِ سر وزیر ھم لوٹ کنگ بنت۔ مزن وزیر ءَ گوشت کہ آزات کشمیر ءُ گلگت بلتستان ءَ ھوار چاریں صوبگ آنی تہ ءَ آپ ءِ ذخیرہ آنی دیمروئی ءُ آپ ءِ گہتر انتظامی ءِ واستہ حکمت عملی جوڑ کنگ بوھگ ءَ انت۔ آبی ذخائر ءِ جوڑ کنگ ءِ ھاتر ءَ مشورہ ءُ سرجمیں استان آنی ھمگرنچی ءَ گوں جوڑ کنگ بیت۔ مزن وزیر ءَ گوشت کہ موسمی مٹ ءُ بدلی یک راستی یے، ایوک ءَ ایشی ءِ جوانیں انتظامی ءَ چہ قدرتی آفت آنی تاوان ءَ چہ رکگ بوت کنت۔ چاریں صوبہ آزاد کشمیر، گلگت بلتستان ءُ فیڈریشن ءَ را موسمیاتی بدلی ءِ زیانکاریں اثرات ءَ چہ مردماں را رکّینگ ءِ ھاترا یکجاہ کار کنگی اِنت۔ اے یک راجی جیڈھے کہ ایشی ءِ سر ءَ درستاں یکجاہ کار کنگی اِنت۔
