دریائے راوی ءَ سیلاپ ءِ ھال جاورل ھال آنی ھوالگ ءَ الرٹ جاڑی

اسلام آباد۔29اگست (اے پی پی): نیشنل ڈیزاسٹر مینجمنٹ اتھارٹی ءِ نیشنل ایمرجنسی آپریشن سینٹر ءَ راوی دریا ءَ سیلاپ ءِ الرٹ شنگ کتگ وھدے کہ چنوٹ پل ءِ سر ءَ دریائے چناب ءَ سیلاپ ءِ تہ ءَ 4 ءِ گیشی بوتگ ءُ سیلاپ ءِ جاور ھال سک باز انت۔ جمعہ ءِ روچ ءَ این ڈی ایم اے ءِ رد ءَ 30اگست ءَ بگر داں 3 ستمبر ءَ راوی دریا ءِ بالائی نزیکیں دمگاں برشانک ءُ تھین ڈیم ءَ چہ آپ ءِ یلہ کنگ ءِ گمان اِنت۔سیلاپی ریل ءِ آیگ ءِ سبب ءَ روی دریا ءِ روانی ءَ مزنیں گیشی ءِ گمان اِنت۔ بلوکی ءَ روی دریا ءِ انوگیں روانی ءِ کساس 147 ہزار کیوسک اِنت۔ 2-3 ستمبر ءِ وھد ءَ اے سیلاپ سادھنائی ءَ سر بیت کہ اودا 125 ہزار ءَ بگر داں 150 ہزار کیوسک ءِ روانی ءِ گمان اِنت۔ سادھنائی ءِ اے سیلاپ ءَ چہ سکیں سیلاپ ءِ سبب جوڑ بوت کنت۔ لاہور ءِ ہما دمگ کہ راوی دریا ءِ آپ ءِ سبب ءَ آماچ بوت کن انت آہانی تہا لاہور سٹی ءُ ریلنڈ ہوار انت۔ کاسور، پٹوکی، اوکارا، رینالا کھرد، دیپال پور، گوگرا، تنڈیان والا، کمالا 5، پارو محل، اڈا ہکمک ءُ سادھنائی ءِ دمگ ھم اے نادراھی ءَ چہ زھر بوت کن اَنت۔ دریائے چناب ءَ اے وھد ءَ چنوٹ پل ءَ 855ہزار کیوسک ءِ روانی ءِ گوں سکیں سیلاپ ءِ آماچ اِنت۔ مزن وزیر ءِ پنت ءُ شون ءِ رد ءَ این ڈی ایم اے ءِ نیمگ ءَ چہ درستیں ریسکیو ءُ ریکوری ءِ کار آنی سر ءَ نگرانی کنگ بوھگ ءَ اِنت۔ نیشنل ایمرجنسی آپریشن سینٹر 24کلاک ءِ واستہ سرجمی ءَ کار کنگ ءَ اِنت، این ڈی ایم اے سول ءُ فوجی ادارگ آنی گوما رابطہ ءَ اِنت۔ این ڈی ایم اے ءَ پنت ءُ شون کتگ کہ دریا ءُ آپی راہ ءِ کش ءُ گوراں نندوکیں مردم زوت چہ زوت ایمنیں جاہاں بہ رو انت۔ فوراً دمگی انتظامیہ ءِ پنت ءُ شونانی سرا عمل بہ کن ات ءُ ہنگامی جاوراں ریسکیو ٹیم ءَ گوں رابطہ بہ کن ات۔ سیلاپ ءِ آماچیں دمگاں غیر ضروری سفر کنگ ءَ چہ بہ پھریز اِت۔ یک ایمرجنسی کٹ (آپ، ورگ، دوائی) تیار بہ دار اِت ءُ ھاسیں دستاویزاتاں بہ رکّین اِت۔ دیمتر ءِ رہشونی ءِ ھاتر ءَ NDMA ڈیزاسٹر الرٹ ایپ ءَ کارمرز کن اِت۔