آرمی چیف فیلڈ مارشل سید عاصم منیر ءَ پنجاب ءِ سیلاپ ءِ آماچیں دمگ آنی تر ءُ تاب کتگ ءُ سیلاپ ءِ آماچیں دمگ آنی تہ ءَ فوجی کارندہ ءُ سول انتظامیہ ءِ ھمگرنچ ءُ بے مٹیں کوشست آناں توسیپ

راولپنڈی۔29اگست (اے پی پی): آرمی چیف فیلڈ مارشل سید عاصم منیر ءَ پنجاب ءِ سیلاپ ءَ چہ آماچیں دمگ آنی تہ ءَ فوجی کارندہ ءُ سول انتظامیہ ءِ یکجاھیں ءُ بے مٹیں کوشست آنی توسیپ کتگ۔ آئی ءَ دل یکیمی داتگ کہ سیلاپ ءِ وھد ءَ آماچ بوتگیں دراھیں مذہبی جاھ ھوار دربر صاحب کرتار پور ءَ را اولیت ءِ رد ءَ وتی اصل جاور ھال ءَ بحال کنگ بیت۔ آئی ایس پی آر ءِ نیمگ ءَ جمعہ ءِ روچ ءَ جاڑی بوتگیں بیان ءِ رد ءَ فیلڈ مارشل سید عاصم منیر، نشان امتاپاز (ملٹری)، ہلال جورت ءَ پنجاب ءِ سیلاپ ءَ چہ آماچیں دمگ آنی تر ءُ تاب کتگ ایشی ءِ تہ ءَ سالاکوٹ سیکٹر، شاکر گڑھ، ناروال ءُ کرتار پور ھوار اَنت۔ اے تر ءُ تاب ءِ مول ءُ مراد سیلاپ ءِ جاور ءُ برجاھیں ریسکیو ءُ ریلیف آپریشن آنی سر ءَ چار ءُ تپاسی کنگ بوتگ۔ پاک اُرد ءِ سروک ءَ را استیں جاور ھال ءُ ھور آنی آیوکیں بھر ءِ ھوالگ ءَ سرجمیں بریفنگ دیگ بوت۔ آرمی چیف ءَ آرمی ءِ کارندہ ءُ سول انتظامیہ ءِ ھمگرنچ ءُ بے مٹیں کوشست آناں ساڑات کہ آ جان ءِ رکّینگ ءُ آماچیں دمگ آنی مردم آناں کمک پجارینگ ءَ گوں بندوک اَنت۔ آرمی چیف ءَ دمگ ءِ آماچیں سکھ کمیونٹی ءَ گوں ھم گند ءُ نند کتگ ءُ آھاں دل یکیمی داتگ کہ سیلاپ ءِ وھد ءَ آماچ بوتگیں درستیں مذھبی جاھ آناں دربر صاحب کرتار پور ءَ ھوار اولویت ءِ رد ءَ وتی اصل جاور ھال ءَ بحال کنگ بیت۔ آئی ءَ یک رندے پدا گوشت کہ اقلیت ءُ آھانی مذھبی جاھانی رکھینگ ءِ ذمہ واری ریاست ءُ آئی ءِ ادارگ آنی سر ءَ اِنت ءُ پاکستان ءِ ریاست اے ذمہ واری ءِ پیلو کنگ ءَ ھچ وڑیں سنگ ءُ سنگ ءَ یلہ نہ دنت۔ سکھ کمیونٹی ءَ سیالکوٹ سیکٹر ءِ سیلاپ ءَ چہ آماچیں دمگ آنی تہ ءَ آرمی چیف ءِ آیگ ءَ را گوں دلجمی ءَ وش آتک کت ءُ آفت ءِ وھد ءَ داتگیں ازمت آنی سر ءَ سول انتظامیہ ءُ فوج ءِ منت گپت۔ پاک اُرد ءِ سروک ءَ دربر صاحب کرتار پور ءِ ھوائی چار ءُ تپاسی ھم کتگ۔ سول انتظامیہ ءِ نمائندگ آنی گوما گپ ءُ تران ءِ ساھت ءَ آرمی چیف ءَ وھد ءِ سر ءَ پسو ءِ ساڑات کت ایشی ءِ سبب ءَ جانی ءُ مال ءِ تاوان کم بوت۔ سپاہی آنی گوما گند ءُ نند ءِ ساھت ءَ چیف آف آرمی اسٹاف ءَ آوانی مزن حوصلہ، آپریشنل کارکردگی ءُ راج ءِ ھزمت ءِ جزبگ ءَ را ساڑات۔ آئی ءَ مشکلیں جاور آنی تہ ءَ ریسکیو ءُ ریلیف آپریشن آنی وھد ءَ الس ءِ ازمت ءِ واستہ سپاھیگ آنی ازمت آناں شگر ءُ منت درشان کت۔ آئی ءِ آیگ ءَ پد فیلڈ مارشل سدا عاصم منرا ءَ را کور کمانڈر گجرانوالہ ءَ وش اتک کت۔